آخر تحديث : 31-08-2017 الساعة 09:48 م
المايونيز دة ينفع اى حد عامل ريجيم لانه بيستخدم اللبن بدلا من الزيت وكمان مفيهوش بيض نى – وطعمه قريب كتير من مايونيز هاينز
المقادير الاولي
- 2 بيضة
- نصف كوب خل
- معلقة صغيرة نشا
- معلقة صغيرة ملح
- 3 معالق صغيرة سكر
المقادير الثانية
- كوب حليب او زبادى او لبن رايب
- معلقتين كبار زيت (اختيارى)
- عصير ليمونة
- معلقة صغيرة حبوب خردل مطحونة
الطريقة
- فى حلة صغيرة نضرب البيض بمضرب سلك يدوى ثم نضيف باقى المقادير الاولي ونقلب كويس علي نار متوسطة
- نضيف اللبن بالتدريج مع التقليب السريع حتى يتماسك الخليط – حوالى 10 دقائق – ثم نطفى النار ونرفع الحلة من الماء المغلى
- نضيف باقي المقادير الثانية ونقلب كويس
- بعد ما تدفأ نصبها فى برطمان زجاج كبير ونضعها فى الثلاجة
- طعم الخردل بيكون لازع في الاول لكن في اليوم التالي الطعم بيتظبط ويصبح المايونيز جاهز للاكل
جربوه مع الجزر المبشور شعر والكول سلو ومع سندوتشات البانيه والبرجر ومع البطاطس المحمرة
وبالف هنا وشفا