احذروا سرقة السيارات

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

سرقة السيارات اصبحت منتشرة بطريقة مخيفة – منذ دقائق سمعت صوت سيدة تصرخ – كانت بتصور ورقة فى محل تصوير مستندات فغافلها شخص وركب سيارتها وانطلق بها – فى الغالب اللى بيقف دقيقة يصور حاجة بيكسل يقفل عربيته – اللص بيستغل الدقيقة دى وينطلق بالعربية صاروخ – لم يتمكن احد من اللحاق به للأسف والعربية ضاعت من الست فى لمح البصر – وكانت سايبة فى العربية شنطتها وموبايلها وكل متعلقاتها الشخصية

اضغط هنا

عشان كدة محدش ارجوكم يسيب عربيته مفتوحة او المفاتيح فيها ولو حتى دقيقة واحدة – دايما خذ المفتاح واقفل الابواب – حتى لو ركنت حتشرب حاجة ساقعة او تشترى حاجة من كشك سجاير – اوعى تكسل – مش حتاخد منك دقيقة – ولو حتبعد عن العربية او حتركنها استخدم ذراع امان للعربية : ذراع حديد بيشبك فى دواسة الدبرياش من ناحية ومن الناحية الثانية تشبكه فى الدريكسيون وتشيل المفتاح وتلف الدريسكيون لغاية ما يسوجر وتسمع تكة لا يلف بعدها – بدل ما تندم ومتعرفش طريق عربيتك لا قدر الله

وخد بالك برضه من الناس اللى بتقرب من عربيتك – لسة امبارح صديق ابنى كان فى عربيته هو واخوه وحاطين موبايلاتهم فى جيب الباب – واحد فى اشارة بيمثل انه من الصم والبكم اداهم كارت تبرع فوقعت منه الكروت فى ارضية العربية – قام الشاب وطى عشان يلمهم له وبعد ما شى بعربيته اكتشف ان موبايتهم اختفت – اللص خلاه يوطى عشان فى الوقت دة يمد ايده وياخد الموبايلات

السرقة انتشرت بطريقة رهيبة وكل يوم اللصوص يتفننوا فى ابتكار حيل جديدة

لو اتعرضت انت او حد تعرفه لسرقة ربنا يعوض عليكم – بس ياريت تحكى لنا هنا عشان الناس تاخد حذرها وميتكررش معاها نفس الموقف اللى حصل معاك او مع معارفك

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *