مهما قلت مش حأقدر اوصف لكم طعامة الزبادى دة – حاجة تانية خاااااالص غير الزبادى اللى بتشتروه – وطريقته سهلة لدرجة ان طفل صغير يقدر يعمله فى البيت
المقادير
- كيلو حليب جاموسى طازج من محل الالبان او من الفلاحة
- معلقة صغيرة زبادى
الطريقة
- نستخدم الحليب كما هو بدون تسخينه ولا غليه – فقط نصبه فى برطمان لتر او اى وعاء
- نضع فى الحليب معلقة صغيرة زبادى ونغطى البرطمان ونرجه قليلا
- نترك البرطمان فى مكان دافئ – انا باحطه فوق الشبكة الخلفية للثلاجة – مدة 3 ساعات فقط
- لو الثلاجة لا يوجد خلفها شبكة مش مشكلة – نحط الحليب فى فرن مطفى – نشعل فقط لمبة الفرن – لمدة 5 ساعات
- نضع البرطمان على رخامة المطبخ لليوم التالى
- فى اليوم التالى حنلاقى الحليب تجمد وبقى زبادى صلب – ننقله للثلاجة
بعد ما يسقع جربوا طعمه – حتلاقوا الزبادى تقيل جدا عن الجاهز – وطعمه لذيذ بطريقة مش معقولة
بعد ما تجربوه مش ممكن حتشتروا زبادى جاهز تانى ابداً
- بعد كدة لما كل ما نحب نعمل زبادى ناخد معلقة صغيرة من الزبادى السابق – او حتى نستخدم البرطمان اللى خلص من غير ما نغسله عشان يبقى فيه بقايا الزبادى كخميرة للزبادى الجديد
- الزبادى اللى بيتعمل من زبادى سابق بيبقى اطعم من اللى اتعمل اول مرة من زبادى تجارى
لا تقلقوا من استخدام حليب غير مبستر – فهذه هى الطريقة اللى كان جدودنا بيستخدموها لالاف السنين قبل مصانع الالبان ما تنشأ – وهو نفس الطريقة الفلاحى لتصنيع الزبدة والجبنة ومنتجات الالبان الريفية الاصيلة حتى اليوم
هذه الطريقة كانت منتشرة فى سكوتلاندا وايرلندا ثم انتقلت معهم الى امريكا حيث يسمونه bonny clabber وفوائده الصحية كثيرة جدا – كما انه منتشر فى كل بلدان اووبا باسماء مختلفة – وهى نفس طريقة قدماء المصريين والتى استمرت فى قرى مصر حتى يومنا هذا
ولعلمكم البكتيريا الطبييعية الموجودة فى الحليب الخام عندما تتكائر بتكون قادرة على طرد اى ميكروبات ضارة وبتعقم الحليب تعقيم ذاتى بدون اى اضافات – بعكس الحليب المبستر اللى ماتت فيه البكتيريا النافعة من خلال عمليات التسخين والبسترة – ولذلك لو الحليب المبستر قطع بيبقى طعمه ورائحته بشعة ولا يمكن استخدامه
ومن الطريف ان كليوباترا المعروفة بجمالها كانت تستحم فى اللبن المتخمر بنفس الطريقة – وقد اكتشف العلماء حديثا ان السر فى ذلك يكمن فى وجود حمض اللاكتيك وفى وجود مكونات البروبايوتيك التى تساعد على الهضم وتنعم البشرة وتزيد من مقاومة الجسم للامراض
Raw milk clabbers.
Leave a carton of pasteurized milk out on the counter for a few days, and you’ll end up with a putrid, stinking glop. By contrast, raw milk will clabber as its naturally occurring beneficial lactic-acid producing bacteria proliferate and turn raw milk into a probiotic-rich, yogurt-like food. Bonny clabber is a traditional food originally from Scotland, though most peoples across the globe enjoy similarly clabbered milks through their traditional food heritage. Clabbered raw milk is not only edible, but particularly healthful as its sugars have been metabolized by lactic-acid producing bacteria and continue to proliferate. Moreover, milk that has been subject to pasteurization at ultra-high temperatures isn’t even suitable for cheesemaking
المراجع
https://books.google.com.eg/books?id=INg5YCcasK8C&pg=PA147&lpg=PA147&dq=bonny+clabber+health&source=bl&ots=mCqG0XtMPl&sig=v9iSVcPZKxbcO5_z1jI_L0lazy4&hl=en&sa=X&ved=0ahUKEwjBzaGYhIHVAhUJPxoKHUSPCGUQ6AEIYDAJ#v=onepage&q=bonny%20clabber%20health&f=false
لاحظ الى متشنيكوف – العالم الروسى الحاصل على جائزو نوبل – ان سكان الريف الذين يداومون على شرب الحليب المتخمر – مثل اللبن الرايب والزبادى الطبيعى – يتمتعون بصحة افضل ويعمرون لسنوات اطول بكثير من غيرهم
https://en.wikipedia.org/wiki/Clabber_(food)
http://thenourishingcook.com/what-is-clabbered-milk/
http://www.thekitchn.com/word-of-mouth-clabber-73245
http://www.culturesforhealth.com/learn/blog/ancestral-fermentation-clabbered-raw-milk/
http://www.kefirgrains.eu/tag/bonny-clabber/
شكرا على الوصفات الجميلة دى بس ياريت تترجملنا المقالات دى وتتوسع فى الشرح ده لو وقتك يسمح لان مش كل الناس تجيد اللغة الانجليزية
ما هى الطريقة اللى انا كاتبها وباستعملها شخصياً هى عبارة عن خلاصة المكتوب فى المقالات الاجنبية دى
وتحت امرك فى اى استفسارات