النجرسكو بطريقة الاء الجبالى وانا وهالة فهمي

آخر تحديث : 06-02-2019 الساعة 08:05 م

مكرونة نجرسكو

اليكم وصفة النجرسكو بثلاث طرق – قريبين من بعض – الطريقة الأولى بحشوه الفراخ اللذيذه على طريقة الاء الجبالى


النجرسكو بطريقتي

طريقتي لا تختلف كثيرا – لكن الفرق اني باعملها مش بصدور مخلية لكن بصدور فراخ بالعظم – فهي اوفر فى السعر وكمان باستفيد من شوربتها باضافتها للحليب فيزداد النجرسكو طعامة

المكونات تكفي 5 افراد يومين

المكونات

  • كيلو ونصف مكرونة قلم
  • كيلو صدور فراخ
  • بصل وثوم وملح وفلفل وبهارات
  • زبدة وزيت
  • فلفل رومي
  • زيتون
  • جبن مبشور رومي او شيدر او أى تشكيلة
  • كيلو ونصف حليب
  • لتر ونصف شوربة فراخ
  • ٦ معالق كبيرة زبدة
  • ٦ معالق كبيرة دقيق

الطريقة

نسوي صدور الفراخ بالعظم في لتر ماء على نار هادية شمعة (بنفس طريقة اللحمة بالبصل او كباب الحلة) فى حلة متغطية مع بصل وملح وخل وليمون وبهارات (ورق لورا وروزماري وكزبرة وكبابة صيني وفلفل اسود وقرفة مطحونين كلهم) – وبعد ما تستوي نصفيها ونحتفظ بشوربتها (لتر ونصف) عشان نضيفها للحليب – ونخلي الفراخ من الجلد والعظم ونقطعها مكعبات ونشيلها في طبق مع البصل اللى استوى معاها

  • نشوح مكعبات الفراخ والبصل فى الزبدة وقليل من الزيت مع فلفل رومي مخرط وزيتون مخلي من البذر
  • نقلب الدقيق مع الزبدة السايحة على النار دقيقتين وبعدين ننزل بالتدريج بالشوربة والحليب مع التقليب المتواصل حتى لا تكلكع – مطلوب الحصول على قوام سميك شوية لكن طري بحيث لما نرفعه بمغرفة ممكن صبه مثل الكريمة الطرية
  • نحتفظ بربع الصوص على جنب لفرده على وش الصواني فى الآخر
  • نسلق 750جم مكرونة لليوم الاول
  • نسلق المكرونة القلم 12 دقيقه ونصفيها ولا نغسلها وبعد ما نصفيها نعيدها الى الحله
  • نخلط الصوص وخليط الفراخ ونقسمهم نصفين – نستخدم نصف والباقي نشيله فى الثلاجة لليوم التالي
  • نصب لصوص وخليط الفراخ في حله المكرونه ونقلب الكل
  • نضيف الجبن المبشور ونقلب
  • نصب في الاطباق ونقدمها سخنه
  • في اليوم التالي نسلق 750جم مكرونة كاليوم الاول ونستخدم خليط الصوص والفراخ اللى شلناه في الثلاجة ونصبهم على المكرونه بعد ما نصفيها بنفس الطريقه السابقه ونغرفها السخنه للتقديم على طول
  • لا داعي لخطوه الفرن لانه بينشف الوش

ودي طريقة الشيف هالة فهمي – نفس المقادير تقريباً

 

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.