آخر تحديث : 05-06-2020 الساعة 09:19 ص
اليكم وصفة النجرسكو بثلاث طرق – قريبين من بعض – الطريقة الأولى بحشوه الفراخ اللذيذه على طريقة الاء الجبالى
النجرسكو بطريقتي
طريقتي لا تختلف كثيرا – لكن الفرق اني باعملها مش بصدور مخلية لكن بصدور فراخ بالعظم – فهي اوفر فى السعر وكمان باستفيد من شوربتها باضافتها للحليب فيزداد النجرسكو طعامة
المكونات تكفي 6 افراد
المكونات
- 700 جرام مكرونة قلم
- كيلو صدور فراخ
- بصل وثوم وملح وفلفل وبهارات
- زبدة وزيت
- فلفل رومي
- زيتون
- جبن مبشور رومي او شيدر او أى تشكيلة
- كيلو حليب
- لتر شوربة فراخ
- 4 معالق كبيرة زبدة
- 4 معالق كبيرة دقيق
الطريقة
- الصبح نسلق المكرونة القلم 8 دقائق ثم نصفي الحلة من الماء ونشطفها اكثر من مرة حتى تبرد ثم نتركها منقوعةفي ماء بارد في الحلة
- نسوي صدور الفراخ بالعظم في لتر ماء على نار هادية شمعة (بنفس طريقة اللحمة بالبصل او كباب الحلة) فى حلة متغطية مع بصل وملح وخل وليمون وبهارات (ورق لورا وروزماري وكزبرة وكبابة صيني وفلفل اسود وقرفة مطحونين كلهم) – وبعد ما تستوي نصفيها ونحتفظ بشوربتها (لتر) عشان نضيفها للحليب – ونخلي الفراخ من الجلد والعظم ونقطعها مكعبات ونشيلها في طبق مع البصل اللى استوى معاها
- نشوح الفراخ والبصل فى الزبدة وقليل من الزيت مع فلفل رومي مخرط وزيتون مخلي من البذر
- نقلب الدقيق مع الزبدة السايحة على النار دقيقتين وبعدين ننزل بالتدريج بالشوربة والحليب مع التقليب المتواصل حتى لا تكلكع – مطلوب الحصول على صوص قوامه سميك شوية لكن طري بحيث لما نرفعه بمغرفة ممكن صبه مثل الكريمة الطرية
- قبل التقديم نسخن المكرونة في ماء النقع ومجرد ما تبدأ تغلي نصفيها ونصب عليها خليط الفراخ والصوص والجبنة المبشورة ونقلب الكل
- نصب في الاطباق ونقدمها سخنه مع سلطة ومخلل
ودي طريقة الشيف هالة فهمي – نفس المقادير تقريباً