طريقة تقطيع شرائح البانيه (فيليه الدجاج)

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

لما نشترى صدور فراخ بانيه من السوبر ماركت بتكون الصدور صحيحة مش مقطعة زى الفرارجى – تعاولوا نتعلم طريقة سهلة لتقطيعها فى البيت – انا شخصيا باحب اقطعها بنفسى عشان اتحكم فى سمكها – لان الفرارجى ساعات بيبقى مستعجل فالتقطيع بتاعه بيطلع مش متساوى – حتت تخينة وحتت رفيعة

اضغط هنا

اتفرجوا على الفيديو – دة شيف فى مطعم امريكى بيقطع كميات كبيرة من البانيه كل يوم – عشان كدة طريقته عملية وسريعة وسهلة جدا

  • اول حاجة نفصل الصدرين عن بعض بالسكينة بحيث يبقى كل صدر لوحده
  • وبعدين نمسك صدر ونقلبه على ظهره بحيث يبقى الجزء المستدير العالى ناحيتنا والطرف المدبب فى الناحية المقابلة لنا
  • نحط صوابعنا على الطرف التخين اللى ناحيتنا عشان نسند الصدر ومايتحركش – وبعدين نقطع شريحة بالسكينة بحيث نبدأ من الطرف الرفيع البعيد عننا ونتحرك بالسكينة فى اتجاهنا ناحية الطرف التخين اللى ناحيتنا
  • نكرر تقطيع باقى الشرائح بنفس الطريقة والاتجاه – واحنا فى بنقطع كل شريحة بننزل قليلا على تحت – يعنى زاوية السكينة بتكون مائلة قليلا لاسفل
  • بعد تقطيع الشرائح ممكن باستخدام شاكوش لحمة نبطط الشرائح بحيث تتفرد بالتساوى – ودة بيخليها تستوى احسن وتبقى شكلها اكبر واحلى عشان حيبقوا كلهم بنفس السمك (نفردها بالشاكوش بالراحة ومن ناحية واحدة فقط وليس من الناحيتين – وللا حتتهرى وتتقطع مننا)

 

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *