خضار وفاكهة بالسم الهارى – ازاى تحمى نفسك

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

طول عمرنا فى مصر بنتجرع سموم مع الخضروات والفواكه بكميات بسيطة – يوم ورا يوم – وسنة ورا سنة – لكن السنة دى حصل هجوم غريب من المزارعين وضاعفوا كميات السموم بطريقة غير مسبوقة – تيجى تاكل بطيخ تلاقيه طعمه بيروسول – تيجى تاكل عنب تلاقيه طعمه جاز – تاكل خوج يجيلك اسهال – الواحد مبقاش عارف ياكل ايه فى البلد دى

اضغط هنا

الغريب ان الفاكهة السنة دى شكلها جميل – العنب مثلا حباته كبيرة ولونها احمر غامق ولا المستورد – والبطيخ احمر ومسكر ومرمل – يبدو ان سموم جديدة دخلت البلاد تزيد من ربحية المزارع وتجعل محصوله حجمه اكبر وصفاته احسن وبالتالى المكسب يتضاعف

كل دة على حساب صحتنا – عشان كدة نسبة الاصابة بالسرطان فى مصر وصلت الى 13% ودى مصيبة وكارثة علينا كلنا

طب ايه اللى نقدر نعمله؟

طبعا لو انت قادر ماديا اشترى كل ما تعثر عليه من المستورد وابعد عن المصرى وغنى له

اما الغلابة اللى زى حالاتى فمضطريين يتعايشوا مع المصيبة ويتجرعوا السم من سكات – لكن احنا نقدر نقلل من نسبة السموم اللى داخلة جتتنا

احنا نقدر نقتصر على الفواكه والخضروات اللى بتتقشر – على الاقل القشرة بتحمينا من جزء من السموم – مع العلم ان عصارة الفاكهة بتمتص جزء من السموم طبعا – لكن لو بدون قشرة حتمتص كل السموم 100%

مثلا الفواكه الاكثر امانا : الموز والبرتقال

والفواكه الخطيرة الاكثر سمية بسبب عدم وجود قشرة تحميها : الخوخ والمشمش والعنب والفراولة والتين والتفاح وكل الفواكه اللى بدون قشرة او بقشرة رقيقة

وبالنسبة للخضار الاكثر امانا : الكرنب والقرنبيط والبسلة والقلقاس وخس الكابوتشا

واكثر الخضروات الخطيرة سمية هى الخضروات الورقية مثل الملوخية والسبانخ والخبيزة والفجل والجرجير والبقدونس والكزبرة والشبت والكرفس والسلق والنعناع كل ماهو ورقى

ومن الخضروات اللى ملهاش قشرة تحميها او قشرتها رقيقة جدا خضروات كتير للأسف كلنا منقدرش نستغنى عنها : الطماطم والخيار والباذنجان والبصل والبطاطس والفلفل الرومى

وبالتالى يتضح ان لا احد يستطيع حماية نفسه 100% من السموم طول ماهو عايش فى مصر – لكن نقدر نقلل السموم بقدر المستطاع بشوية تفكير بسيط

ربنا ينجينا كلنا يارب وينجى ولادنا اللى ملهمش ذنب فى أى حاجة غير انهم اتولدوا لقيوا نفسهم فى ام الدنيا

لو الموضوع نال اعجابك اضغط هنا لدعم الكاتب (جزاكم الله خيراً)

5 تعليقات

  1. ليس في مصر فقط بل في اكبر دوله وهي امريكا البقره بيحقنوها الزبده واللبن كله هرمونات والدجاج الواحده عملاقه من كثر الهرمونات نروح في بلد اخر مثل العراق بعد الحرب والدمار لاتوجد زراعه ولا مصانع فاصبخ يستورد كل شي تقريبا من الدول المجاوره مثل ايران فتدخل المواد كلها سموم وابسطها البيبسي واللنشون وحتى الفواكه والخضر كلها هومونات ناهيك عن المواد المعلبه الاخرى منتهية الصلاحيه وتوضع لها صلاحيه مزيفه وحتى الماء يضعون فيه نسبة كلور عاليه جدا ويتسمم مءات الناس والقاءمه تطول الحل هو ان نلجاء الى الله وهو حسبنا ونعم الوكيل

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *