كروم بطئ؟ طريقة سهلة لتسريع متصفحك

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

أغلب مستخدمى متصفح جوجل كروم بيلاحظوا انه مع الوقت بيبقى بطئ جداً اكتر واكتر – عندى لكم حل بسيط يخلى كروم يرجع يبقى سريع زى أول مرة استخدمته

اضغط هنا

الطريقة ببساطة هى انك تمسح مجلد اسمه User Data – لان المجلد دة مع الوقت حجمه بيكبر جدا وبالتالى بيكون سبب البطء الشديد – وبمجرد ما تمسحه حتلاقى كروم بقى سريع طلقة

لكن هناك شرط اساسى – لازم يكون عندك حساب فى جوجل وتكون signed-in لسبب مهم جدا – وهو ان جوجل بتحفظ لك كل بياناتك وصفحاتك المفضلة وكلمات السر وتاريخ تصفحك فى سيرفرتها – لذلك لما تمسح المجلد المذكور بتبدأ جوجل تجيب لك من عندها نسخة جديدة من كل بياناتك الهامة والاساسية – اما لو مسحت هذا المجلد ومكونش ليك حساب فى جوجل او مكنتش signed-in كدة المجلد دة حيبقى فاضى وبالتالى تفقد كل مفضلاتك وكلمات سرك وتاريخ تصفحك الخ

لمعرفة مكان المجلد افتح صفحة فاضية فى كروم (بالضغط على Ctrl+T) – ثم اكتب فى مكان العنوان السطر التالى :

chrome://version

– حتتفتح لك صفحة بيانات وحتلاقى مكان المجلد مكتوب فى السطر العاشر تقريبا امام كلمة Profile path – انسخ السطر دة من اول C لغاية كلمة Chrome – مثال حتلاقى السطر يشبه كدة:

C:\Users\xxx\AppData\Local\Google\Chrome\User Data\Default

(مكان xxx حتلاقى اسم الكمبيوتر بتاعك)

انسخ الجزء اللى انا موضحهولك بالخط التقيل

وبعدين اقفل كروم وافتح Computer والصق فى مكان العنوان الجزء اللى نسخته – حيتفتح لك شباك فيه مجلد اسمه User Data – قم بمسحه – او غير اسمه باضافة حرف مثلا عشان يبقى عندك نسخة احتياطى

دلوقتى بقى افتح كروم حتلاقيه كانه جديد بيطلب منك اسمك فى حساب جوجل وكلمة السر – ثم يبدأ فى تنزيل بياناتك ومفضلاتك وكل شئ هو محتفظلك بيه – وحتلاحظ فرق رهيب فى السرعة

اقترح انك تكرر الخطوة دة كل كام شهر لما تلاحظ ان كروم بقى بطئ عشان ترجعه سريع تانى

مع تمنياتى لكم بقضاء وقت ممتع ومفيد على الانترنت

لو الموضوع نال اعجابك اضغط هنا لدعم الكاتب (جزاكم الله خيراً)

3 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *