جبنة موتزريللا فى البيت من مكونين فقط

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

تحديث
بعد ماعملت الجبنة دى وحطيتها على البيتزا ولادى محبوهاش – عندهم حق فطعم الخل باين فيها قوى والبيتزا بالجبنى الشيدر او حتى الرومى احلى بكتير

اضغط هنا

مكنتش اعرف ان الجبنة الموتزاريللا ممكن تتعمل فى البيت بسهولة جداً – وطعمها طبيعى احلى بكتير من الجاهزة اللى ملهاش طعم

المكونات (للحصول على 300جم موتزيللا)

  • 2 لتر حليب بلدى طازج من الفلاحة او محل الالبان
  • معلقة صغيرة ملح ليمون (او نصف كوب خل وربع كوب عصير ليمون)

الطريقة

  • نقلب ملح الليمون فى حلة الحليب ونضعها على نار متوسطة مع التقليب
  • عند بدء تكون كتل جبنة نوطى النار خالص او نحط تحت الحلة شياطة ونستمر فى التقليب
  • نلم قطع الجبنة على جنب ونضغط عليها كل شوية عشان تبقى على شكل كورة ثم نستمر فى تقليبها
  • لما الكورة تبقى لامعة ولما نشد جزء منها نلاقيه بيمط – كدة تبقى جاهزة
  • نمسكها بايدينا ونعجنها كانها عجينة عشان نصفيها من الشرش
  • نضعها فى كيس فى الفريزر ساعة حتى تبرد
  • نبشرها بالمبشرة لاستخدامها فى البيتزا والمعجنات او نقطعها شرائح للسندوتشات زى ما نحب

شوفوا الفيديو دة 3 دقائق فيه كل التفاصيل (من اعداد صدفة جاد ماشاء الله عليها):

وبالف هنا وشفا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *