ريجيم رمضان

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

اسهل وقت نعمل فيه ريجيم تخسيس هو شهر رمضان – ليه بقى – عشان كلنا عارفين اننا لما بناكل أى حاجة على الفطار بنشبع بسرعة وخصوصا اننا بنكون عطشانين جدا فبنشرب ماء كتير يملأ نصف بطننا

انا بدأت من اول يوم رمضان النظام التالى وادعو كل من يريد ان يخس او عنده مشاكل صحية وامراض مثل السكر – التهاب المفاصل – خشونة الركبة – ارتجاع المرئ – تقريبا كل الامراض تستفيد من هذا الريجيم – ريجيم الكربوهيدرات القليلة والدهون الكثيرة – المعروف عالميا ب: LCHF

عند الفطار نتناول تمر منقوع فى حليب ونشرب ماء طبعاً – وبعد ما نصلى المغرب نتناول الافطار العادى مع الاسرة لكن بدون خبز ولا ارز ولا بطاطس ولا مكرونة – ناكل بالمعلقة الخضار او الطبيخ مع اللحم او الفراخ سواءا محمرة او بانيه او أيا كانت طريقة طهيها – مع طبق سلطة خضراء كبير

صدقونى حتشبعوا جدا بدون حاجة لاى نشويات او سكريات

والتحلية بطيخ او كنتالوب – ممنوع أى حلويات – لا كنافة ولا قطايف ولا الكلام دة خالص

وفى السحور ناكل بيض مقلى او اومليت او مسلوق مع جبنة شيدر او فلمنك او رومى او مثلثات او قريش  – بالمعلقة برضه بدون أى خبز – وكوب زبادى او لبن رايب – وطبق سلطة خضراء بدون ملح عشان منعطش فى الصباح

بس كدة

صدقونى حتلاقوا الصيام اسهل بكتير لما نمتنع عن النشويات – لأن النشويات والسكريات بتتحرق بسرعة وتخليك تجوع بعد مدة قليلة – بعكس الدهون اللى بتكون بطيئة فى الهضم

الدهون يشترط تكون طبيعية – يعنى لو حناكل مقلى يكون بالسمن البلدى او الزبدة البلدى – ممنوع تماما استخدام السمن الصناعى والزبدة الرخيصة لانها عبارة عن زيوت مهدرجة مدمرة للصحة – واذا لم تتوافر الدهون الطبيعية نقلى بزيت

اللحمة الدسمة لا ضرر منها على الاطلاق – ضانى سمين ملبس مفيش أى مشاكل – النشويات والسكريات هى السبب الرئيسى لكل التهابات الجسم – والامراض ماهى الا التهابات – لذلك مجرد التوقف عن تناول النشويات كل التهابات الجسم بتختفى – حتى الام الاسنان واللثة والالتهابات الجلدية بتختفى – والتهابات الحلق واللوز  – والتهابات المفاصل وخشونة الركبة وارتجاع المرئ ومرض السكر والضغط وكل امراض الدم – حتى مرضى السرطان شفاهم الله يستفيدون من هذا النظام لانه يحرم الاورام الخبيثة من الغذاء فتموت – اذا ان الاورام تتغذى على النشويات – وكذلك كل انواع البكتيريا والميكروبات تتغذى على النشويات – فان حرمناها منها اختفت وماتت بفضل الله

فى الحقيقة هذا ليس مجرد ريجيم ولكنه نظام عذائى صحى من الافضل ان نستمر عليه خصوصا لو كنا نعانى من أى مرض مزمن

أغلب الناس لديهم حساسية ضد النشويات دون ان يعرفوا – وهذا هو سبب الاصابة باغلب الامراض – لذلك فالتوقف عن تناول النشويات مفيد لاغلب الناس – خصوصا من تخطى الاربعين

اتمنى ان تجربوا هذا النظام وياريت تبدأوا فى رمضان لانه اسهل بكتير – وبعد ما تتعودوا عليه حيبقى ان شاء الله سهل الاستمرار عليه باقى شهور السنة

مع تمنياتى للجميع بالصحة والعافية – وكل عام وانتم بخير – رمضان كريم

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *