ولادك بيرموا الفلفل وياكلوا الحشو فقط؟ اليكم الحل

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

كل حاجة بقت غالية – لكن العيال مبترحمش – ولادى متعودين لما ياكلوا محشى فلفل انهم ياكلة الحشو ويسيبوا الفلفل – كنت فاكر انهم عجيبين وبعدين اكتشفت ان ناس كتير بتعمل كدة

عشان كدة ابتكرت طريقة بسيطة لحل المشكلة دى

المقادير

  • حشو محشى (الارز نى)
  • 4 فلفل رومى
  • قرن فلفل حامى (اختيارى)
  • قطعة لية او دهن صغيرة – مقطعة شرائح رفيعة

الطريقة

  • نفرم الفلفل الرومى فى الخلاط مع كوب ماء
  • نضع الخلطة مع الفلفل المفروم فى حلة ثم نضيف ماء يعلو فوق الارز بقيراطين
  • نضيف قطعة لية او دهن مقطعة شائح رفيعة (تقطيعها شرائح بالسكين سهل اذا كانت مجمدة)
  • نضع الحلة على النار ولما الرز يبقلل نوطى عليه خالص شمعة ونتركه مغطى على النار 20 دقيقة
  • نطفى النار ونترك الحلة مغطاة 10 دقائق كمان

كدة حيبقى عندنا خلطة محشى الفلفل واخدة طعم الفلفل وكمان الفلفل مفروم فطعمه مش حيبان زى لما ياكلوه صحيح ومحدش حيفكر يرميه – وحتى لو حد فكر مش حيعرف!

وكدة نتجنب رمى كيلو فلفل رومى بحاله من غير ما حد ياكله – وفى نفس الوقت الولاد حيستفيدوا من فيتامينات ومعادن الفلفل الرومى

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *