تونة بيتى صحية وموفرة وسهلة

مين مبيحبش التونة – بس للأسف بقت علب التونة غالية جداً – عشان كدة انا قررت اعملها فى البيت ولقيت طريقتها سهلة جدا – وميزتها كمان مش بس انها موفرة ورهيصة جدا لكن كمان خالية من المواد الحافظة الضارة اللى فى التونة المعلبة

المقادير

  • سمك تونة او ماكريل كبير (بلاميطة)
  • فلفل اخضر
  • بصل
  • ورق لورا
  • كزبرة خضراء
  • كزبرة ناشفة
  • زعتر
  • فلفل حصى
  • ليمون
  • دقيق
  • خل
  • زيت
  • ملح

الطريقة

  • ننظف السمك بنزع الاحشاء والرأس والذيل والزعانف – ونغسله جيدا
  • نقطع السمك جزل بسمك صباع الايد او ازيد قليلا
  • نشطف الجزل ثم ننقها فى ماء مذاب فيه ملح وليمون وخل وقليل من الدقيق
  • نضع ماء فى حلة بخار ومعه بصلة وفلفلاية رومى وطماطماية مقطعين نصفين وورق لورا وفلفل حصى وكزبرة خضراء وناشفة
  • نرص الجزل فى الصفاية العلوية ونغطيها فوق الماء ونغلى حلة البخار على نار متوسطة لمدة ساعتين
  • نخرج جزل التونة ونتركها تبرد ثم ننزع منها الشوك ونقشر الجلد
  • نضع قطع التونة فى برطمانات ونصب عليهم خلطة عبارة عن :
    • كوب خل
    • كوب زيت
    • ملح وفلفل
    • شطة (اختيارى)
  • نذيب الملح فى الخليط جيدا ثم نصبه فى برطمانات التونة ونغطيها لنحفظها فى السائل

وبالف هنا وشفا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *