تعيشي معايا في الجنة تملّيها
وتخرجى منها بارادتك ونتفارق
وتكدبي كدبة في خيالك تعيشيها
وتعملي اني مش فارق، وانا فارق
وترجعي تاني بعد البعد ما يهدك
ويضعف قلبي من الدمعة اللي على خدك
وكالعادة تقولي وانتي حاضناني
انا آسفة ومش هعمل كده تاني
وترجعي تاني نتفارق، وبسذاجة
تروحي لسكة النسيان وتمشيها
وتشغلي وقتك الفاضي بكام حاجة
دواير عايشة طول عمرك تلفّيها
وترجعي تاني بعد البعد ما يهدك
ويضعف قلبي من الدمعة اللي على خدك
وكالعادة تقولي وانتي حاضناني
انا آسفة ومش هعمل كده تاني
لكن المرّادي غير كل اللي قبليها
لقيت نفسي خلاص وارتحت في غيابك
ومن كتر الحاجات اللي عملتيها
آدي اللي انتي كتير سبتيه خلاص سابك
مترجعيليش، ومهما البعد هيهدك
خلاص مش فارقة كام دمعة على خدك
بقولهالك عشان البعد قسّاني
انا آسف ومش هعمل كده تاني
حسام حبيب – تعيشي معايا | من ألبوم “فرَق كتير”
كلمات/ أمير طعيمة
ألحان/ إيهاب عبد الواحد
توزيع/ El Nabulsi
ميكساج/ م. محمد صقر
وتريات/ Pete Whitfield
جيتار/ أوسو
باص جيتار/ أحمد رجب
أكورديون/ وائل النجار
بركشن/ ضياء بدر
إنتاج Nogoum Records