العجينة دى ممتازة نستخدمها لما نعوز تبقى الحاجة مقرمشة زى المحلات – سواءا سمك – فراخ – لحمة – خضروات – اى حاجة عايزينها تطلع مقرمشة وهشة
المقادير
- النواشف :
- معلقتين كبار دقيق
- معلقة كبيرة نشا
- نصف معلقة صغيرة بيكربونات
- معلقة صغيرة ملح صينى MSG
- معلقة صغيرة ملح
- نصف معلقة صغيرة كركم
- السوائل :
- بيضة
- معلقة كبيرة خل
- معلقة كبيرة زيت
- ربع كوب ماء
الطريقة
- نخلط النواشف مع بعض كلهم
- نضيف البيض والخل والزيت ونقلب بمضرب سلك يدوي
- نضيف الماء شوية شوية بالتدريج مع التقليب حتي تصبح العجينة طرية وناعمة
- نغمس قطع الفراخ او السمك او كور الناجتس او الخضروات فى الخليط
- ثم نقلبهم فى طبق بقسماط مفروم وبعد كدة نقدر نبطط القطع فى راحة ايدينا او نبرمهم صوابع زى ما نحب
- نحمرهم فى زيت ساخن
والف هنا وشفا
