قصة طالب فاشل حارب المستحيل

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

أهدى القصة الرائعة دى لكل الطلبة ويارب الكل يعمل زى صاحب القصة البطل اللى فرح أهله – ربنا يفرحكم جميعاً ويفرح اهاليكم بيكم دايماً يا رب :

اضغط هنا

قصة فاشل حارب المستحيل 😲😲
قبل بدء معركة الثانوية بأربع شهور
كان فى صحاب كده مش بيذاكروا نهائى نهائى بمعنى الكلمه 😂😂
ومش بيعملوا حاجه غير انهم يخرجوا باليل و الصبح فى الدروس 😂
وبيغشوا فى امتحانات الدروس و ينجحوا نجاح عار فى الامتحانات بتاعت الدروس
و كل يوم يقولوا هنبدأ بكره هنبدأ بكره هنبدأ بكره و استمروا ع كده لحد ما فجأه
المنهج خلص 😳
المدرسين بدأت مراجعات 😳
المتفوقين بدات تحل امتحانات و تشترى كتب المراجعه 😳
جدول الامتحانات نزل 😳
وهما مش عارفين اى حاجه فى المنهج غير حاجات بسيطه جداً 😟
فى ليله فى ولد فيهم روح البيت و اهله فاكرين انه بيذاكر مع صحابه و فى الدروس 😒
مامته قالتله “ربنا يوفقك يابنى امتى بقى تخلص يابنى و ترتاح من التعب اللى انت فيه ده و تجيب مجموع و تفرحنا
قالها ان شاء الله يا ماما ادعيلى انتى بس 😟
المهم انه دخل الاوضه بتاعته و بص ع النتيجه كان التاريخ 15-3-2015 😱😳
طبعا هو انهار من العياط بسبب الوجع اللى كان حاسس بيه لما مامته كلمته 😢😥
و بدأ يكلم نفسه
هو انا دخلت ثانوية عامة ليه لما انا مش ادها !! :/
طب هو انا ليه بضيع عمرى ع حاجات تافهه 😔
هو انا ليه مش حاسس بالفلوس اللى ابويا و امى بيدفعوها ليا فى الدروس دى 😔
اهلى لما يشوفى نتيجتى لما تظهر و مجموعى وحش و تشوف كل الناس فرحانه بعيالهم بمجموعهم العالى هيبقى شكلى عامل ازاى 😔
طب لما ربنا يسألنى تعب امك و ابوك و الفلوس ضيعتها ليه فى حياتك ارد اقول ايه 😔
طب هنصح اولادى ازاى و اعيشهم عيشه حلوة ازاى 😔
انا لازم ابدأ من دلوقتى حتى لو مفيش وقت او مش هلحق
ع الاقل هبقى عملت اللى عليا و ما لا يُدرك كله .. لا يُترك كله 🤚
انا هبدأ من دلوقتى و هبعد عن كل الناس حتى اصحابى و النت و الموبيل و الالعاب و كل حاجه هتضيع وقتى و تبعد حلمى عنى 💪
وفعلا الشخص ده شال موبايله – شال اللاب – فصل النت من عنده – شال الراوتر
الشخص ده عموماً هو انا .. 🙂
كنت بشوف الشارع فى 3 حالات
و انا رايح الدروس
و انا رايح اصلى
و انا نازل اجيب حاجه للبيت مثلا
حتى لو كنت عايز اشترى كشكول او قلم او كتاب من المكتبه كنت بجيبه و انا جاى من الدرس عشان مضيعش وقت
و بعد تعب طويل بدات الامتحانات يوم 7-6-2015
و خلصت الامتحانات يوم 30-6-2015
كان احلى و احسن و اجمل يوم فى حياتى
بالرغم ان اول ما خلصت اخر امتحان و اخدت الاجازه كنت بنام و اصحى و اكل بنام و اصحى و اكل و شكرا ع كده
لحد يوم النتيجه .. كان اصعب يوم فى الثانوية العامة كلها
صحيت ع خبر ع موقع اليوم السابع ان النتيجه بعد ساعات قعدت ساعه ساعتين تلاته
و كل شوية ادخل ع الموقع و يقولى خلال ساعات
العصر اذن نزلت اصلى و جيت افتح الموقع قالى نتيجه الثانوية العامة بعد قليل
حسيت ان الدنيا كلها بتلف بيا و ضربات قلبى بقت سريعه وقفلت اللاب بعدها 😇
المغرب اذن روحت افطر سمعت صوت حد بيزغرط ماما قالتلى النتيجه ظهرت 😮😲
فتحت اللاب بسرعه من غير ما نفطر لان اليوم السابع نزل النتيجه اول ما المغرب اذن بظبط 😑
دخلت ع الموقع و اهلى كلهم واقفين ورايا قولتلهم معلش مش عايز حد معايا 😣
كلهم خرجوا بره الاوضه و فعلا النتيجه كانت ظهرت كتبت رقم جلوسى
وبدأ يحمل عشان كان بطئ جدا و فجاه ظهرت
ناجح نزلت شوية لقيت
مجموع الدرجات 399
النسبه المئوية 97.32%
ايه ده 😳😳
بتاعت مين النتيجه دى ؟؟ 😏😏
بشوف الاسم عشان مش متأكد ان دى النتيجه بتاعتى
لقيت اسمى و مدرستى 😂😂
يااااااااااااااااامااااااااااااااااااااااااااااااااااااااا انا نجيييييييييييييييييييحت 💪🤣🤣🤣
بعيدا طبعا ع كميه العياط اللى كانت فى البيت دموع الفرحه
و الكرسى اللى اتكسر و دراعى اللى اتعور و انا بجرى
الحمدلله كما ينبغي لجلال وجهك وعظيم سلطانك
التليفونات بدات بقى ترن ع امى و ابويا و بيتكلموا بكل فخر
هما فى دنيا و انا فى دنيا تانيه خالص
بفتكر اليوم االلى دخلت فيه الاوضه بتاعتى و بصيت ع النتيجه لقيتها 15-3 -2015 😁😁
قولت لنفسى هو انا لو كنت بدأت بدرى شوية كنت جبت كام !! 😁
الحمدلله كما ينبغي لجلال وجهك وعظيم سلطانك
الفرحه اللى كانت امى فيها مش هقدر اوصفها والله 😄
اتعب عشان اهلك عشان نفسك عشان تفرح و تفرح مامتك و باباك 😍
ربنا معاكم و يوفقكم انا عارف ان الفتره دى صعبه بس انت تقدر تسيطر ع نفسك زى ما انا سيطرت ع نفسى و وصلت للحلم اللى كنت حاسس انه خلاص
بس اهم حاجه ارضى امك و ربك و اعمل اللى تقدر عليه و قول مفيش مستحيل كل حاجه كانت حلم فى الاول و فى الاخر طلعت حقيقه
ربنا معاكم


لو الموضوع نال اعجابك اضغط هنا لدعم الكاتب (جزاكم الله خيراً)

2 تعليقان

  1. روعه بجد شكرا جدا .. انت اديتني دافع قوي جدا شكرا ليك بجد … انا الشهرين اللي فاتو دول من اول ما بدأنا مش كنت بذاكر ل حد ما المواد اتراكمت عليا وبقيت مش قادر اذاكر ومتأخر ف الدروس بس انت اديتني امل شكرا جدا ليك <3

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *