هل تريد التخلص من اعلانات الفيس بوك؟ انا كنت أعانى مثلكم من اعلانات الفيسبوك السخيفة – لغاية ما عثرت على الحل المثالى
فيس بوك بتعمل اعلاناتها على شكل بوستات عادية لكن الفرق الوحيد بينها وبين البوستات الحقيقية انها بيبقى مكتوب بجوارها بخط صغير كلمة Sponsored – الفيس بطلت تنشر اعلاناتها بطريقة تقليدية عشان يبقى صعب حجبها بواسطة برامج منع الاعلانات مثل البرنامج الشهير Adblock Plus اللى بيتسبب للفيس خسائر بالمليارات – فيس بوك بتكسب مليارات من الاعلانات – 28 مليار دولار متوقعة من دخل اعلاناتهم فى 2017 – فطبعاً بيعملوا المستحيل لتجاوز برامج منع الاعلانات – وفعلا حالياً فيس بوك قدرت تهزم Adblock Plus وبوستاتها الاعلانية بتظهر لانها بقت توظف جيش من المبرمجين بيغيروا الكود يومياً – لكن مع كل ذلك يوجد حل
الحل اللى متقدرش فيس بوك تغلبه هو حاجة اسمها user script – حأقول لكم فى خطوات سريعة ازاى انتوا كمان تهزموا الفيس بوك وتمنعوا ظهور اعلاناتها وتتخلصوا من ازعاجها الدائم :
- اضف لمتصفحك Adblock Plus اذا لم تكن قد فعلت ذلك بالفعل
- اذا كنت بتستخدم متصفح جوجل كروم او اوبرا : اضف له Tampermonkey
- اما اذا كنت بتستخدم متصفح فاير فوكس : اضف له
Greasemonkey - اضغط على هذا الرابط Facebook unsponsored وهناك اضغط على الزر الاخضر Install this script كما هو موضح بالصورة التالية :
بس خلاص كدة – افتح بقى صفحة الفيس – او نشطها Reload اذا كانت مفتوحة بالفعل – حتلاقى ان كل البوستات الاعلانية المزعجة قد اختفت – مبروك يا معلم!.. انت هزمت الفيس بوك وعلمت عليه!
المرجع : https://forums.lanik.us/viewtopic.php?f=62&t=31995&p=100489#p100386
