لما نسيح الزبدة يطلع منها سمن أد ايه

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

الزبدة الجاموسى البلدى الفلاحى هى أحلى طعم طبعا – بس لما تكون مضمومنة ومش مغشوشة

اضغط هنا

لو عايزين نجرب بائعة زبدة نشترى منها كيلو واحد ونسيحه – كيلو الزبدة الكويسة لما نسيحه يطلع منه 800جم سمن – الباقى بيكون ماء بيتبخر اثناء التسييح ويتبقى فى قعر الحلة مرتة بكمية بسيطة جدا – حوالى معلقة تقريبا فى قعر الحلة (المرتة مفيدة وطعمة جدا اوعوا ترموها)

طريقة تسييح الزبدة سهلة جداً – بشرط لازم يكون عندنا حلة قعرها سميك

نحط الزبدة فى حلة قعرها تخين عشان الزبدة ما تتحرقش
ونترك الحلة بدون غطاء على نار هادية جداً أقل حاجة ممكنة – وكل خمس دقائق نقلبها ونحك القعر للتأكد من ان مفيش قعر حيلزق

بعد حوالى نصف ساعة حنلاقى السمنة بقت شفافة ونقدر نشوف من خلالها قعر الحلة مترسب فيه المرتة ذات اللون البنى الغامق

نضفى النار ونتركها تبرد قليلاً

نكون مجهزين برطمان نظيف وناشف ولما السمن تبقى دافئة نصبها برفق بشويش فى البرطمان ونحرص على عدم هز الحلة عشان المرتة نفضل فى قعر الحلة وما تنزلش مع السمن

نترك البرطمان يبرد خالص قبل ما نغطيه ونتركه على رخامة المطبخ – مش محتاجين نشيلها فى الثلاجة بعكس الزبدة اللى لازم نحفظها فى الثلاجة لان بها نسبة ماء – اما السمنة فلا يوجد فيها ماء بعد ان تبخر كله اثناء التسييح بدون غطاء

لو الزبدة مغشوشة بدقيق حيطلع منها سمن أقل وحنلاقى رواسب كتير فى قعر الحلة – عشان كدة لازم نجرب نشترى كمية بسيطة ولو تأكدنا نشترى اكتر

بالهنا والشفا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *