مكعبات باذنجان مقلى بالطحينة

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

الاكلة دى طعمها تحفة – بجد لازم تجربوها – حتبقى من اطباقكم المفضلة دائماً ان شاء الله – وحتلاقوا الكل بيحبها كبار وصغيرين

اضغط هنا

المقادير

  • كيلو باذنجان رومى
  • زيت للتحمير
  • ربع كوب خل
  • 3 فصوص ثوم مهروس
  • قرن فلفل اخضر حامى
  • فلفلاية رومى
  • معلقة صغيرة كمون
  • معلقة صغيرة ملح
  • معلقة طحينة خام
  • كزبرة وبقدونس مفرى

الطريقة

  • نغسل الباذنجان وننشفه
  • نسخن الزيت فى حلة التحمير او طاسة عميقة
  • اثناء تسخين الزيت نقطع باذنجانة واحدة شرائح بالطول وبعدين نقطع الشرائح صوابع مثل البطاطس وبعدين نقطع الصوابع مكعبات مربعة بحجم عقلة الصباع
  • لما الزيت يسخن جدا نضع الكمية اللى قطعناها من الباذنجان فى الزيت – كلما كان الزيت ساخن قوى وكمية الباذنجان قليلة كدة يتحمر أسرع ويشرب زيت أقل
  • فى هذه الاثناء نضع الخل فى حلة ونقلب فيه الفلفل الحامى والرومى – مقطع قطع صغيرة جدا – والثوم والملح والكمون والخضرة
  • بعد ان يصبح الباذنجان لونه بنى فاتح نضعه فى صفاية تحتها وعاء لاستقبال الزيت المتصفى ثم نعيد الزيت من الوعاء لحلة التحمير على النار – ونقطع باذنجانة أخرى مكعبات ونقليها فى الزيت الساخن جدا – وهكذا حتى ننتهى من تحمير كل الكمية
  • ننقل مكعبات الباذجان المقلى بعد ما اتصفى الى حلة الخلطة ونقلبه فيها كويس
  • يقدم دافئ او بارد

الزيت اسعاره بقت نار طبعا كلنا عارفين – انا باذن الله حأبقى احسب لكم بالظبط تحمير الباذنجان بيستهلك زيت أد ايه واكتب لكم النسبة – وكمان تحمير البطاطس

بالهنا والشفا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *