احمى الراوتر من الاختراق واشتراك النت من السرقة

  • اول حاجة لازم تكون بتعرف ازاى تدخل على صفحة الراوتر بتاعك
    • افتح متصفح جوجل كروم او اى متصفح بتستخدمه
    • للذهاب لصفحة الراوتر بتاعك اضغط هنا
    • اكتب بيانات الدخول – اذا كنت مغيرتهاش من يوم ما اشتركت فى النت كدة أى حد ممكن يدخل على الراوتر بتاعك
    • لو متعرفش بيانات الدخول ارجع لعقد الاشتراك فى النت حتلاقيهم كاتبين لك بيانات الدخول على الراوتر – او اتصل بالدعم الفنى الخاص بشركة الانترنت لتعرف منهم بيانات الدخول على الراوتر بتاعك
  • ضرورى تغير بيانات الدخول على الراوتر عشان محدش يعرف يدخل عليه غيرك – غير اسم الادمن والباسورد بتاعته بحيث محدش يعرفها غيرك
  • غير اسم شبكة الواى فاى بتاعتك من الاسم التقليدى اللى كل الناس عارفاه الى اسم تعرفه انت لوحدك – واخفى الاسم كمان عشان محدش يشوفه اصلاً :
    • اختار من المنيو Basic ثم Wlan
    • عند SSID name اكتب اسم من اختيارك بدلا من الاسم التقليدى (اللى كاتباه شركة الانترنت او الشركة المصنعة للراوتر)
    • ضع علامة صح امام Hide broadcast او Hide SSID
    • امام Security  اختار WPA2
    • اذا وجدت علامة صح امام  Enable WPS اضغط عليها عشان تلغيها
  • الغى خاصية الادارة عن بعد Remote management – دى خاصية فى الروترات الحديثة بتسمح لشركة الانترنت بالدخول على الراوتر الخاص بيك لعمل أى تعديل او لتحديثه – لكن المشكلة ان دة باب خلفى الهاكرز يقدروا يدخلوا منه على الراوتر بتاعك ويعملوا فيه اى حاجة ومنه يقدروا يسرقوا بياناتك الشخصية – عشان كدة لازم تلغى الخاصية دى :
    • أختار من المنيو :
      Advanced > SWMP > TR069
      وامام Enable اضغط لالغاء علامة الصح
  • دى أقوى خطوة حماية : حدد مين بالظبط اللى يقدر يستخدم اشتراك النت بتاعك :
    • وصل كمبيوتر او لاب توب بالراوتر من خلال كابل (وصلة سلكية) (هام : لا تقوم بهذه الخطوة الا اذا كان لديك كابل يوصل بين الراوتر وجهازك)
    • لتعرف Mac Address الخاص بكل الاجهزة فى منزلك او مكتبك ادخل على :
      Status > Lan > Ethernet
      حتلاقى كل الاجهزة المتصلة بالراوتر – انقل فى ورقة او انسخ فى نوت باد الارقام اللى موجودة تحت خانة Mac Address
    • ادخل على :
      BASIC > WLAN > WLAN Filtering
    • اضغط صح امام Enable
    • ثم اختار :
      Filtering mode > Whitelist
    • لو مكنتش متصل بالراوتر بكابل كدة اتصالك بالراوتر حيتوقف وكدة حيبقى النت مجرد ذكريات بالنسبة لك – اما لو متصل بكابل فتقدر تكمل حياتك عادى
    • كل جهاز عايز تضيفه للقائمة اضغط على New
      ثم اكتب رقم Mac address المكون من 12 خانة وبين كل خانتين علامة “:”
      مثال : 25:4D:12:2A:15:B3

بعد اتباع الخطوات السابقة الراوتر بتاعك حيبقى متأمن من الاختراق – صحيح مش 100% لان الهاكر لو مستواه عالى جدت مفيش حاجة بتقف امامه – لكن على الاقل انت كدة متأمن ضد الهاكرز المبتدئين والمتوسطين – ودول بيمثلوا يمكن 90% من الهاكرز – واحتمالية ان واحد من جيرانك يكون من ال10% الباقيين قليلة جداً – دة غير ان الخطوات الكثيرة دى حتخللى الهاكر يزهق ويدور على صيد تانى سهل الاختراق

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.