اعادة نظر فى اشتراك اتصالات DSL

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

من 4 شهور لغيت اشتراكى مع تى داتا واشتركت فى اتصالات DSL – وكتبت لكم تجربتى بالتفصيل هنا

اضغط هنا

فى البداية كانت السرعة روعة وحسيت بفرق كبير بين اتصالات وسرعتها الثابتة وبين تى داتا وسرعتها الغير ثابتة – يوم فوق ويوم تحت – تحت خالص الحقيقة

لكن بعد شهور بدأت السرعة تقل فى التصفح – لكن سريعة زى ما هى فى التنزيل والتورنت

لكن امبارح فوجئت كل ما ادخل على اى صفحة تجيلى صفحة اتصالات وتقول لى ان الميجات بتاعتى خلصت كلها وانى استهلكت 100% منها وبالتالى سرعتى حتقل وتبقى ربع ميجا بدلا من 2 ميجا – استغربت جدا لانى لسة قبلها بيوم كنت شايف استهلاكى على موقع اتصالات وكان فاضل لى 30 جيجا – فقلت ابص كدة على مواصفات الاشتراك ليكونوا غيروها من غير ما اعرف – وكانت الصدمة انهم غيروا شروط التعاقد وبدل 150 جيجا ب110ج بقت 120 جيجا – ولما يخلصوا السرعة تقل وتبقى ربع ميجا مع انها كانت نص ميجا لما اشتركت

اذ فجأةً كدة! ..مفكروش حتى يبلغوا عملاؤهم قبلها – يعنى لو كنت اعرف كنت قللت استهلاكى بقدر الامكان – لكن كدة يبقى عيب

وبما ان دة اخلال بشروط التعاقد من ناحيتهم فانا قررت الغى التعاقد معاهم – وطبعا حيطلبوا انى ادفع غرامة 199ج عشان بالغى قبل مرور سنة – لكن انا ان شاء الله حاشتكيهم للجهاز القومى لتنظيم الاتصالات لانهم هم سبب الالغاء وذلك لاخلالهم بشروط التعاقد

ان شاء الله حاكتب لكم هنا النتيجة – وناوى باذن الله اشترك فى نظام ميجا بلس الجديد اللى عاملاه تى داتا – بصراحة نظام شكله هايل وسرعة رهيبة 16 ميجا فى الثانية – كتبت لكم عن النظام الجديد دة هنا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *