جمد قلبك وسافر لمصر – مين عارف يمكن ترجع صاحى

كل يوم يمر بتقترب مصر من أن تكون مركز عالمى لمقتل السائحين فى شوارعها وطرقاتها
معدل حوادث المرور أصبح مخيف – بجد مش عارف إزاى لسة فيه سياح بييجوا مصر – العربيات بتتقلب بيهم – وشاحنات النقل بتهرسهم تحت عجلاتها – والقطارات بتطيح بأشلائهم فى كل مكان بطوال البلاد وعرضها – والمراكب والمعديات والبواخر بتنقلب بيهم وتغرقهم فطيس – ومع ذلك لسه فيه سياح بييجوا مصر
معدلات الأمان فى كل وسائل المواصلات فى مصر شبه منعدمة أو لاوجود لها – ووسائل الإنقاذ بدائية وغير مدربة وتفتقد للخبرة والأدوات وكسولة وأبطأ من السلحفاة فى الوصول لموقع الحوادث

أنا عارف إن الإكتئاب منتشر فى الخارج وحالات الإنتحار فى تزايد فى الغرب – ياترى عشان كدة بيفضلوا ييجوا مصر؟ عشان يموتوا فى شوارعها؟
لكن دى موتة إيه دى؟ أد كدة يائسين من حياتهم؟
طب المصريين بيموتوا كل يوم تحت عجلات السيارات والميكروباصات والتكاتك والقطارات والتريللات والسفن – عادى يعنى – حيروحوا فين؟ – هما لقوا مكان تانى وقالوا لأ؟ لكن القمرات والأمورين ولاد الأكابر الأوروبيين والأمريكان واليابانيين وكل الجنسيات ذنبهم إيه؟ وليه يختاروا ييجوا مصر ويموتوا أبشع موتة فى شوارعها؟

أنا بأنصح كل إنسان غير مصرى إنه يلغى رحلته القادمة لمصر – هنا أعلى معدل للوفيات فى حوادث الطرق على مستوى العالم – والإهمال واللامبالاه منتشر فى كل شيئ حتى فى وسائل الإنقاذ – ولا محاسبة ولا مساءلة ولامراجعة – تعال مصر فقط لو خلاص يئست من حياتك نهائياً – لو مصمم – بس أرجوك إكتب وصيتك قبل ماتيجى – وودع كل أحبابك

ذكر مصدر أمني مصري أن قطار بضائع اصطدم مساء يوم الأحد بحافلة سياحية صغيرة “ميني باص” يقل ستة سائحين ألمان .

وقال المصدر الأمني أن الحادث أسفر عن مقتل أربعة سائحين ألمان وإصابة ثلاثة آخرين من بينهم سائق الحافلة المصري.

وأضاف المصدر إن المتوفين ثلاث سيدات ورجل .

وقال المصدر أن الحادث وقع عن الكيلو 40 طريق سفاجة/القصير عندما اصطدم القطار بالميني باص عند تقاطع خط للسكك الحديدية مع طريق بري (مزلقان).

وكان القطار يحمل فوسفات قادما من ادفو متوجها إلى ميناء الحمراوين في القصير في جنوب مصر.

شارك هذا الموضوع
error

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.