آخر تحديث : 19-11-2020 الساعة 07:47 م
الجبنة القريش الفلاحى لا يعلى عليها – بشرط شراءها من الفلاحين – مش الجبنة القريش بتاعة السوبر ماركت دى مش جبنة قريش خالص – لكن اولادنا مش بيحبوها للأسف – عشان كدة حأقدم لكم هنا طريقة سهلة لتحضرها بطريقة تخللى كل افراد اسرتك يحبوها
المقادير
- 2 قالب جبنة قريش فلاحى
- 3 طماطم
- 2 فلفل رومى
- 1 بصلة
- حزمة بقدونس مفرى
- 4 معالق كبيرة زيت
الطريقة
- نهرس الجبنة مع الزيت بالشوكة جيداً
- نضرب الطماطم والفلفل الرومى والبصل فى الكبة نبضات للحصول على فتافيت
- نقلب الكل فى علبة مع البقدونس المفرى
تؤكل بالمعلقة لمتبعى انظمة التخسيس – او مع خبز ساخن للى معندهومش مشاكل مع الوزن – يا بختهم!
الف هنا وشفا