يوجد فى الاسواق عند سلسلة اولاد رجب – وبالتاكيد اماكن اخرى – سمن بلدى فى علب صفيح وزن 1600جم ماركة اسمها بدوية الحلوب – Badwiia Al Halob – انا اشتريت منها واكتشفت انها مش سمن بلدى ولا حاجة – لا شكل ولا رائحة ولا طعم السمن البلدى – بصراحة الزيت طعمه أحلى – بالرغم من ان العلبة مكتوب عليها “سمن حليب بقرى طبيعى 100%” – لكن يبدو انها عبارة عن زيوت مهدرجة ولا حتى خالطينها بشوية سمن بلدى – يعنى غش تجارى صريح بلا أى حياء وبيتباع بسعر غالى قريب من سعر السمن البلدى الحقيقى – والغريبة ان سلاسل لها اسمها مثل اولاد رجب تبيعه عياناً جهاراً للمستهلكين

للأسف كثيرون يسيئون للصناعات المصرية وأصبح السائد لدى المستهلك ان المنتج المصرى مرتبط بالغش – مع ان هناك منتجات عالية الجودة – لكن للأسف الغشاشين بيسيئوا للكل والناس بقت تدور على المستورد المضمون اكثر من المحلى بسبب هؤلاء – عشان كدة لازم المسئولين فى البلد يقفلوا تلك المصانع الغشاشة ويحاكموا اصحابها وذلك لحماية المستهلك وحتى لا يسيئوا لسمعة المنتج المصرى اللى مش ناقص اساساً

سمن بدوية الحلوب من انتاج “ام السعد لتصنيع منتجات الالبان” الشرقية / بلبيس انشاص الرمل – سجل تجارى 104424 – تليفون 01000161884 – 01224984884