السبانخ ممكن بسهولة نحفظها بالتجميد – نشترى سبانخ طازة ونغسلها كويس جدا – ننقعها فى ماء ونغيره 5 مرات على الاقل عشان نتخلص من اى مبيدات مرشوشة على الارواق – ونغلى ماء فى حلة كبيرة وفى الوقت دة تخرط السبانخ بطول 3سم كدة – تخرطها كلها الاوراق والسيقان وحتى الجذور الوردية – السبانخ مبيترميش حاجة منها كلها لذيذة

وبعدين نحط السبانخ كلها مرة واحدة فى الماء المغلى على النار – دقيقة واحدة وبعدين نصفيها على طول فى مصفاة معدن فى الحوض – زى ما بنعمل عتد سلق المكرونة – وننقعها فى ماء بارد عشان نوقف طهيها – ونتركها فى مصفاة للتخلص من الماء – وبعد ساعتين كدة لما تجف نضعها فى اكياس ونفردها ونحط الاكياس مفرودة فى طبق فويل فى الفريزر

السبانخ مفيدة جدا – مش بس للطبيخ لكن كمان نقدر نعمل منها اومليت بالسبانخ للفطار او فى أى وقت – لمعرفة الطريقة اضغط هنا <<