مقارنة اعداد المشتركين بشركات الانترنت فى مصر

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

بلغ عدد مشتركى الانترنت ADSL فى مصر 4.190 مليون مشترك فى آخر يونيو 2016

اضغط هنا

اليكم اسم كل شركة – وعدد المشتركين فى كل منها – والحصة السوقية لها

  • تى اى داتا : 3.2  مليون مشترك (76  %)
  • اورنج : 625  ألف مشترك (14.9  %)
  • فودافون : 230  ألف مشترك (5.5  %)
  • اتصالات : 147  ألف مشترك (3.5  %)
  • نور : (أقل من 1 %)

المصدر : جريدة المال

ويرجع السبب فى استحواز تى اى داتا على نصيب الاسد الذى قفز من 45% الى 76% خلال عامين فقط الى قيام المصرية للاتصالات المالكة لتى اى داتا بتحويل الكابلات الارضية من نحاس الى فايبر دون التنسيق مع الشركات الاخرى مما تسبب فى وقف الخدمة لدى مشتركى الشركات الاخرى وعملية الغاء جماعى للاشتراكات والتحويل الى تى اى داتا – لكن جهاز حماية المنافسة ومنع الممارسات الاحتكارية اصدر قرار بثبوت المخالفة فطلبت المصرية للاتصالات التصالح مقابل دفع غرامة تتراوح بين 100 – 200 مليون جنيه – وقد وقعت المصرية للاتصالات اتفاقات مع الشركات الاخرى تسمح لها حاليا باستخدام كابلات الفايبر – وبالتالى فمن المتوقع ان تعود حصص باقى الشركات للارتفاع تدريجيا – لكن دة ممكن ياخد وقت طويل لان المصرية للاتصالات لما مشترك يطلب الغاء الخدمة بيخوفوه ويقولوله ان دة حياخد وقت طويل وحيتسبب فى انقطاع الخدمة عنده مدة قد تصل الى شهر – لذلك كتير بيستسلمو ويفضلو مع تى اى داتا برغم سرعتها الغير ثابتة واللى بتبقى ساعات بسرعة السلحفاه لمدد قد تتراوح ما بين ساعة و10 ايام فى المرة الواحدة – ودة عيب دائم عندهم ولا حل له – رغم ان اسعارهم ليست الافضل – وشركة اتصالات مثلا ارخص منهم بكتير

التحويل بين تى اى داتا واورنج سهل لانهم عاملين اتفاقية مع بعض بتسهيل تنقل المشتركين ما بينهم – لكن دة لا ينطبق على باقى الشركات – لذلك المفروض جهاز تنظيم الاتصالات يجبر تى اى داتا على عقد ترتيبات مماثلة مع باقى الشركات لتسهيل عملية انتقال اى مشترك من والى أى شركة فى مصر حسب رغبته دون وضع عراقيل تعطل هذا الانتقال وبأقل الاجراءات وفى اقصر وقت ممكن

 

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *