تحويل البلح الى رطب بالتجميد

آخر تحديث : 02-09-2018 الساعة 08:37 م

اخر تحديث 2 سبتمبر 2018

لو بتحب البلح الزغلول الاحمر – او أى بلح تانى – لكن اسنانك بتوجعك من اكله – انا اكتشفت لكم طريقة لتحويله الى رطب طرى فى منتهى السهولة

هات بلح زغلول احمر وضعه فى اكياس فى الفريزر – وبعد يومين او اكثر اخرجه فى طبق – حتلاقيه لسة احمر – اتركه على المطبخ لغاية ما يفك من التجمد – بعد كام ساعة لما يفك خالص حتفاجأ انه تحول الى بلح رطب اسود جميل وطرى على سنانك

الاكتشاف دة عرفته بالصدفة لما زوجتى حبت تشيل شوية بلح زغلول فى الفريزر عشان برة الثلاجة بتبدأ طروفه تسود وهى مش بتحبه لما يستوى – يعنى كان قصدها يفضل احمر ومايستويش – فكانت النتيجة العكس انه بعد ما فك بقى كله بلح رطب اسود رسمى!

ياترى كام مرة اشتريت بلح رطب ورميت اغلبه عشان مش طازة وطعمه وحش؟

الطريقة دى احسن بكتير من شراء البلح الرطب الاسود العادى لان كتير بنشتريه ويطلع حامض ومش طازج – لكن فى البيت كله حيبقى طازة من مصنع بيتنا!

وكمان يبدو ان التجار بيستخدموا مواد كيماوية عشان يخلو البلح يبقى رطب بسرعة – واحنا طبعا مش ناقصين سموم

نفس الطريقة تنفع برضه مع البلح السيوى الاصفر – وبتنجح كمان اكتر من البلح الزغلول

كدة بقى انا عرفت ازاى بعد موسم البلح ما يخلص بنلاقى بلح رطب عند  الفكهانية – وبنفس الطريقة ممكن احنا فى البيت نخزن البلح ونطلعه فى اى وقت

انا خزنت بلح اكتر من ٦ شهور وكان ناجح . بالذات السيوطي الاصفر بيتخزن حلو قوي

شارك هذا الموضوع
error

2 تعليقان

  1. دي وصفة سهلة ،،، دي وصفة هايلة ،، بصراحة لأني مش باحب الوصفات المعقدة ( أضف قليلا من الخل ثم اتركه في درجة حرارة 30000 ثم مش عارف إيه ) عموما هاجربها الأول ثم اكتب رأيي في تعليق

اترك رداً على حاج محمد إلغاء الرد

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.