دقيقة الارقام المختصرة غالية من الموبايل

أغلب الناس ميعرفوش ان الارقام المختصرة لها تعريفة غالية لو اتصلت من أى موبايل – فسعر الدقيقة 39 قرش – أما لو اتصلت من تليفون ارضى فسعر الدقيقة عادى 2 قرش فقط + 3 قروش لفتح المكالمة

فمثلا لو طلبت رقم مختصر من موبايلك وتحدثت 10 دقائق حيتخصم من رصيدك 3.90ج – بينما لو كنت طلبت نفس الرقم من تليفون ارضى واتكلمت نفس ال10 دقائق حيكلفوك 23 قرش فقط – يعنى اقل من ربع جنيه

الارقام المختصرة بتكون من 5 ارقام وبتبدأ ب 19 او 16 – وبيكون شكلها كالتالى: ×××19 او ×××16

كتير بنحتاج نطلب الارقام المختصرة لما نعوز نتصل بخدمة العملاء فى الشركات زى مثلا شركات الانترنت وشركات الاتصالات وشركات صيانة وبيع الاجهزة المنزلية والخدمات المختلفة للوزارات والهيئات والمؤسسات

انا مش عارف ليه ناس كتير مبقاش عندها خط ارضى مع انه موفر جدا عن الموبايلات – دقيقة المكالمة من ارضى لارضى بقرشين بينما دقيقة الموبايل ب14 قرش وبعد تطبيق ضريبة القيمة المضافة حتبقى تقريبا الدقيقة ب 17 قرش – والارقام المختصرة حتبقى تقريبا ب48 قرش

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *