آخر تحديث : 08-01-2018 الساعة 11:00 م

تحديث 8-1-2018

أغلب الناس ميعرفوش ان الارقام المختصرة لها تعريفة غالية سواءاً اتصلت من تليفون ارضى او موبايل – فسعر الدقيقة 30 قرش من الارضى و39 قرش من الموبايل

فمثلا لو طلبت رقم مختصر من موبايلك وتحدثت 10 دقائق حيتخصم من رصيدك 3.90ج بدلا من 1.40ج للارقام العادية

ولو طلبت نفس الرقم من تليفون ارضى واتكلمت 10 دقائق حيكلفوك 3 جنيه – فى حين ان نفس المدة لرقم عادى تكلفتها 23 قرش فقط – مما يعنى ان الارقام المختصرة سعرها 15 ضعف الارقام العادية!

الارقام المختصرة بتكون من 5 ارقام وبتبدأ ب 19 او 16 – وبيكون شكلها كالتالى: ×××19 او ×××16

كتير بنحتاج نطلب الارقام المختصرة لما نعوز نتصل بخدمة العملاء فى الشركات زى مثلا شركات الانترنت وشركات الاتصالات وشركات صيانة وبيع الاجهزة المنزلية والخدمات المختلفة للوزارات والهيئات والمؤسسات

لكن معظم تلك الجهات لها ارقام عادية فالافضل معرفتها للاتصال بها وتجنب الارقام المختصرة