شيت اكسيل لجرد وارباح سوبرماركت

Posted by on

آخر تحديث : 23-03-2019 الساعة 05:42 م

طلب منى قارئ فاضل ان اصمم له جدول اكسيل لإدارة سوبر ماركت وحساب الجرد والربح الشهرى والربع سنوي

الشيت مصمم ل200 صنف اسماؤهم متروكة ليملأها صاحب السوبرماركت بنفسه ويتم ادخال عدد القطع الواردة فى اى من ايام الشهر – وتوجد صفحة للجرد الشهرى لكل صنف – كما توجد صفحة لاحتساب الربح الشهرى بعد خصم التكاليف الشهرية من مرتبات وايجار وكهرباء وخلافه

بعد تنزيل الشيت افتحه ستجده مكون من 3 شيتات – ابدأ بكتابة اسماء الاصناف من فضلك فى الشيت الاول فقط – بعد ذلك قم بعمل نسخة منه للاستخدام ربع السنوي – واحتفظ بالملف الاصلى لتعمل منه نسخة جديدة كل 3 اشهر باذن الله

ولا تنسى ان تنقل المتبقى من كل صنف – بعد الجرد – فى ملف الشهر الجديد

لتنزيل الملف اضغط هنا:  جرد ربع سنوى سوبر ماركت – 200 صنف

واذا كنت ترغب في جداول اكسيل ل500 صنف اضغط هنا: جرد ربع سنوى سوبر ماركت – 500 صنف

اما اذا كنت في نشاط يحتاج القيام بجرد يومي وحساب مكسب كل صنف يوميا بالاضافة لمعرفة الارباح الشهرية بعد خصم المصروفات اضغط هنا: جرد-يومي-وايردات-ومبيعات-وارباح

64 تعليق

  2. الجدول أكثر من رائع ويوجد بعض الملاحظات.

    1-بعض الخلايا بها تأمين فهل ينفع تشيل كل التأمين من على كل الخلايا لكي يمكنني التعديل.
    2- يرجي الاخذ في الاعتبار الايراد اليومي للمحل.
    3- الربح يكون مخصوم منه الديون التي لم تسدد بعد.
    4- عدد العمال 2 أو3

    وشكرا جزيلا بصراحه لم أتوقع أن يكون الشيت بالحلاوة والجمال ده.

    رد على هذا التعليق << to this comment

    • الخلايا المؤمنة دى لمصلحتك لانها إما خلايا حسابية بها معادلات لوكتبت فيها تتوقف عن الحساب – او خلايا يتم ملئها آليا بفعل خلايا اخرى وبرضه كتابتك فيها يوقف الالية دى – فمثلا اسم كل صنف وتكلفته وسعر بيعه – والمتبقى من كل صنف فى الجرد الشهرى – بتملاها انت فى اول شيت فقط تسهيلا عليك فتظهر فى باقى الشيتات بدل ما تكتبهم كل مرة
      لكن لو عايز تعمل اى تعديل ومتمكن من اكسيل انا مش عامل باسورد – تقدر تعمل لأى شيت unproect وتعدل اللى انت عاوزه – ولو انى لا انصح بذلك – وربنا يستر

      لم تذكر لى فى طلبك انك عايز الايراد اليومى – ثم ان الايراد اليومى يتطلب عمل جرد يومى انت طلبت فقط جرد شهرى – فهل حتعمل جرد يومى لكل صنف فى المحل؟
      عدد العمال عند مكان ل3 عمال بالاضافة ل10 خانات مصاريف شهرية ممكن تستخدمها لو احتجت
      بالنسبة للديون كنت سألتك ولم يصلنى رد

      لازم حضرتك تعرف انى لما ابدأ فى تصميم شيت وانا عارف كل النقاط المطلوبة بيبقى سهل – مهما كان عدد طلباتك – اما طلب اى تعديل بعد التنفيذ فبيبقى صعب جدا – عشان كدة باترجى الناس تكتب لى كل التفاصيل الدقيقة من الاول

      رد على هذا التعليق << to this comment

      • اخي الفاضل لو تكرمت عندي استفسار
        انا استخدمت شيت الاكسل بتاعك وممتاز جدا بس عندي مشكلة واحدة,هذا الاكسيل مخصص للاسعار الثابتة ف ماذا لو اسعار جملة البضاعة متغيرة

        رد على هذا التعليق << to this comment

    • انا حطيت لك ملف ربع سنوى بدل الشهرى – السنوى حيبقى فيه 36 شيت وممكن تتلخبط وتكتب فى ملف غلط – كل اللى عليك انك تنسخ نسخة من الملف الاول كل 3 شهور بعد ما تكون مليت خانات اسم الصنف وتكلفته وسعر بيعه بدلا من كتابتهم تانى كل 3 شهور – ولو اى اسعار اتعدلت غيرها فقط فى اول شيت من الشيتات التسعة المنسوخة – وخد نسخة منه لاستخدامها فى ربع السنة التالى بدل من الشيت الاول عشان الاسعار المعدلة – وهكذا – ولاتنسى كل مرة تعمل نسخة قبل استخدام الشيت

      رد على هذا التعليق << to this comment

  4. الايراد يومي لكن الجرد شهري
    الايراد يتعمل له خانه لكل يوم واخر الشهر خانه تجمع باقي الأيام

    في واردات الاصناف ممكن نزود خانة للمرتجع وتخصم تلقائيا من المجموع

    أنا كويس شويه في الاكسل وللاسف معنديش تصور كامل لموضوع السوبر ماركت لاني جديد في المحال فعشان كده التفاصيل بتظهر معايا واحده واحده بس على حضرتك التصميم الأول وأنا هكمل إن شاء الله

    للمره الثانيه مش عارف أشكرك إزاي والله

    رد على هذا التعليق << to this comment

  5. ممكن نخلي كل حاجه في صفحه واحده
    1-أصناف واردة.
    2-جرد الأصناف.
    3-إيراد يومي (30)يوم.
    4-فلوس بضاعه خارجه كل يوم لمدة (30) يوم.
    5- صافي الربح بعد خصم المصاريف.

    ونقلل الأصناف ل100 عشان الصفحة متبقاش كبيرة
    كل ده في صفحة واحة ونكررها 12 مره لعدد الشهور ويبقي الشيت سنوي إيه رأي حضرتك؟

    رد على هذا التعليق << to this comment

  6. أنا أقصد نعد الفلوس يدوي ونحط الرقم في شيت الاكسل نعمل 30 خانه يبقى معايا الشهر كله

    مش قصدي الربح اليومي لا أقصد الناس اشترت حاجات اخر اليوم الدرج ببكون فيه مثلا 100 جنيه نقيدهم في الشيت يون بيوم وهكذا

    رد على هذا التعليق << to this comment

  7. حضرتك أنا أخذت النموذج بتاعك وحطيت الجداول كلها في ورقة واحدة
    وعملتها 12 ورقة يبقى فيها الجرد السنوي والربح الثانوي كله
    مع العلم إنه تحت التعديل

    حقيقة أنا شاكر لحضرتك جدا لإنك رسمت لي الطريق اللي همشي عليه
    شكرا جزيلا جدا

    رد على هذا التعليق << to this comment

      • السلام عليكم اخي العزيز انا محمد من اليمن
        ولسه فاتح محل مواد غذائيه بقاله وكنت عايز ملف اكسل يعمل على
        1- ادخال الأصناف اللي اشتريتها من التاجر بسعر التاجر
        2- الاصناف اللي بعتها بسعر الخاص بي
        3- الكمية المخزنه والمتبقي بعد البيع
        4- حساب الاصناف اللي اشتريتها من التاجر بسعره واللي بعتها بسعري عشان اعرف الربح الصافي
        5- المصروفات

        ياريت تكون فهمت اللي اقصده لاني بلخبط لمن اشرح

        رد على هذا التعليق << to this comment

        • وعليكم السلام ورحمة الله وبركاته – أهلا بحضرتك
          نعم فهمت وباذن الله اعملهولك بكرة
          لو عايز تضيف أى تفاصيل من النهاردة لبكرة انا تحت امرك
          كلما كانت التفاصيل اكتر كلما كان الشيت افيد لك
          والف مبروك محلك الجديد ربنا يبارك لك فيه بالحلال

          رد على هذا التعليق << to this comment

          • والله احرجتني بقبول طلبي يا حاج محمد تسلم
            ولو امكن تعطيني رقم تلفونك الخاص عشان اتواصل معاك اذا امكن لك ذلك

          • قمت اليوم بمراجعة الشيت المرفق مع الموضوع ووجدت انه مناسب لطلباتك – ياريت تقوم بتنزيله بالضغط هنا ثم قم بتجربته – ولو ليك اى ملاحظات او تريدنى ازود لك اى حاجة بلغنى وانا تحت امرك

  12. مشكور يا استاذ عبده جمال على المجهود العظيم اللي بتقوم بيه لمساعدة الناس

    كان لي طلب الله يكرمك وهو

    لو يكون في شيت خاص بالمبيعات اليومية
    وشيت تاني يحسب تلقائي عدد المبيعات لكل صنف على حدة طوال الشهر

    علشان اعرف ايه الأصناف اللي بتمشي بسرعة والاصناف اللي بتمشي ببطئ

    رد على هذا التعليق << to this comment

  13. السلام عليكم
    بدايتا بحب اشكرك على برنامج الاكسيل الجميل
    انا عندي محل لبيع القهوة والشاي والعصائر
    وبدي لو تكرمت علينا برنامج اكسل للجرد اليويمي…”ضروووري يكون للجرد اليويمي”
    عشان اعرف شو نقص عندي بضاعة وارجع ازيد كميته وهيك
    واعرف شو ربحي ومصروفي اليويمي
    ولو تعملي الكلام اللي قال عليه اخوي “محمد البراق” :
    1- ادخال الأصناف اللي اشتريتها من التاجر بسعر التاجر
    2- الاصناف اللي بعتها بسعر الخاص بي
    3- الكمية المخزنه والمتبقي بعد البيع
    4- حساب الاصناف اللي اشتريتها من التاجر بسعره واللي بعتها بسعري عشان اعرف الربح الصافي
    5- المصروفات
    وكل اخر شهر يحسبلي جرد كل الايام السابقة تلقائيا
    ويعطيني إجمالي مصروفاتي و إجمالي ربحي
    وانشالله بكون شاكر الك على طول وبتكون خدمتني خدمة كبيرة جدا

    رد على هذا التعليق << to this comment

  14. تسلم يارب
    نعم يومي .. ولكن كل اخر شهر ..يحسب ويجرد تلقائي ايام الشهر بالكامل
    الاصناق لو 200 رح يكون مناسب كثير
    في عندي مشكلة بسيطة..”انا عندي شفتين.
    شفت صباحي و شفت مسائي
    وكل شفت بنجرد عليه البضاعة المباعة والبضاعة المتبقية و ربحية كل شفت على حدى
    بتمنى تقدر تعمل الكلام هاض. لاني محتاجه جدا وباسرع وقت
    وشكرا لحضرتك
    [email protected]
    وياريت تبعتلي على هاض الايميل عشان اعرف اتواصل مع حضرتك اكثر واستفيد

    رد على هذا التعليق << to this comment

  17. 1-هل يؤثر العجر على أي من المبالغ الاخرى في البرنامج
    2-توجد مشكلة في (الشيت الثاني من ايام الشهر- “الشيفت الاول”-
    المشكلة في عامود القطع المتبقية في اول خلية من العامود
    وهي عند وضع قيمة القطع المتبقية في الخلية “لا يكون لها أي تأثير في الMonthly report إطلاقا
    **أرجة التأكد والتفقد من جميع خلايا الرنامج على انها تعمل بالكامل ولا يوجد بها أي خطأ برمجي قد يؤدي الى مشاكل في المبالغ او القيم او البرنامج بشكل عام.
    واذا ورد هنالك اي مشكلة جديدة سأقوم بإعلامك
    وشكرا الك

    رد على هذا التعليق << to this comment

    • 1- العجز لا يوثر على أى مبالغ – وهو عجز في الاعداد يظهر فقط اذا كان الجرد الفعلي اقل من المتبقي المحسوب
      2- الشيت 2+ لا يوجد به أخطاء – تأكد من ملئ خانات الشيت Master اولا
      3- قمت بتعديلات بسيطة – من فضلك قم بتنزيل الملف المعدل
      3- التأكد من ان جميع الخلايا تعمل بطريقة صحيحة مهمتك انت يا عزيزي
      يمكنك ان تجربه لمدة شهر وخلاله تقوم بتدوين الحساب مرتين – مرة في الجداول ومرة يدويا بالورقة والقلم – وفي نهاية الشهر تقارن النتائج لتتأكد قبل ان تعتمد الجداول وحدها

      رد على هذا التعليق << to this comment

  19. مرحبا
    لو تكرمت.. عندي تعديل بسيط عالبرنامج
    جربت اعمله..ما زبط معي
    ((اذا كان سعر البيع المدخل “أقل” من سعر الشراء….في هذه الحاله يتغيّر لون الخلية إلى -احمر فاتح-
    ويعطي لائحة منبثة “فقط للتنبيه او للتحذير” …وعند الضغط على خيار المتابعة او موافق “تزول هذه اللائحة”
    ويبقى اللون الاحمر الفاتح عليها))

    وكذلك الامر مع جدول ال”monthly report”
    اذا كان ربح الاصناف او صافي الربح الشهري “”خسارة / سالب””…يتغيّر لون الخلية إلى الاحمر الفاتح
    وشكرا لك

    رد على هذا التعليق << to this comment

  20. نسيت بتذكيرك .. انه اذا تم ادخال قيمة اقل وقمت انا بقبولها بالضغط على زر “موافق او متابعة”من لائحة التنبيه المنبثقة
    بالمقابل ستكون الخلية الموجدة في عامود “مكسب الصنف” سالبة
    وبالتالي ستتغيّر إلى اللون الاحمر الفاتح ايضا

    رد على هذا التعليق << to this comment

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.