فراخ مشوية مع صينية بطاطس فى الفرن

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

بدل صينية البطاطس التقليدية حنعمل مع بعض احلى فراخ مشوية مع طينية بطاطس فى الفرن – الاثنين فى نفس الطبخة – مش حتصدقوا الطعامة – دة غير الشكل اللى يفتح النفس والريحة تجنن

اضغط هنا

تحديث: كتبت لكم طريقة احسن لشوى الفراخ هنا

المقادير

  • فرخة
  • 4 بصلات
  • 4 طماطمايات
  • 2 فلفل رومى
  • معلقة صغيرة من كل من: روز مارى وزعتر وكبابة صينى وملح
  • 3 معالق كبار خل
  • كيلو بطاطس
  • معلقتين كبار صلصة طماطم

الطريقة

  • نغسل الفرخة بالماء فقط ثم نقطعها بالمقص 6 اجزاء – وركين وصدرين وجناحين (نقص مع كل جناح جزء من الصدر)
  • نرص الفراخ فى حلة كبيرة بحيث يكون الجلد لتحت
  • نرش التوابل عليهم ونقلبهم كويس من كل الجوانب
  • نقشر البصل ونقطعه حلقات ونقلبه فى طبق مع الخل ثم نضعه على الفراخ فى الحلة
  • نقطع الطماطم والفلفل ونحطهم فوق البصل
  • نضع الحلة بدون استخدام ولا نقطة ماء على نار هادية جدا شمعة ونغطيها ساعة لغاية الفراخ ما تستوى
  • نصفى بهريز الفرخة ونعيده للحلة مع اضافة نصف كوب ماءندوب فيه معلقتين صلصة طماطم
  • نقشر البطاطس ونقطعها صوابع مثل البطاطس المحمرة ونضعها فى الحلة مع بهريز الفرخة ونغطيها 15-20 دقيقة مع التقليب من حين لاخر لغاية ما البطاطس تستوى وتبقى طرية لكن متماسكة
  • نفرش البطاطس والهريز فى صينية ونقلبهم مع البصل والطماطم والفلفل ثم ندخلهم الفرن على الرف الاوسط تحت الشواية العلوية لمدة 15 دقيقة
  • نقلب البطاطس والخضروات بمعلقة ثم نرص قطع الفراخ فوق البطاطس فى الصينية ثم نعيدها تحت الشواية لمدة 15 دقيقة
  • نقلب قطع الفراخ على الوجة الثانى  ثم نعيدها تحت الشواية لمدة 15 دقيقة اخرى
  • اذا لاحظنا ان قعر الصينية نشف فى اى مرحلة نضع نصف كوب ماء
لو الموضوع نال اعجابك اضغط هنا لدعم الكاتب (جزاكم الله خيراً)

3 تعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *