نجرسكو اقتصادية بالفراخ

اضغط هنا

المقادير

  • فرخة مسلوقة فى ماء يغطيها مع بصلة وطماطماية صغيرة وفلفلاية رومى مخرطين وملح وفلفل وملح صينى وكبابة صينى
  • 1000جم شوربة من الفرخة
  • 1000جم حليب
  • 80جم سمن
  • 160جم دقيق
  • من 200 الى 400جم جبنة مبشورة شيدر او جودة او رومى
  • 4 فلفل رومى
  • كوب زيتون اخضر
  • كيلو مكرونة خواتم او مرمرية او قواقع

الطريقة

  • نقطع الفرخة 6 قطع ثم نسلقها فى ماء يغطيها وبصلة وطماطماية وفلفلاية رومى مخرطين وملح وفلفل وملح صينى وكبابة صينى على نار هادية جدا شمعة – لمدة 3 ساعات
  • نخرج قطع الفراخ من الشوربة فى طبق نضعه فى الثلاجة حتى تبرد
  • فى حلة 4 لتر نخلط الدقيق مع نصف لتر حليب ونقلب بمضرب سلك كويس جدا على نار هادية حتى يذوب الدقيق تماما فى الحليب ويصبخ ناعم – ثم نضيف السمن وباقى الحليب مع التقليب
  • نصفى الشوربة فى حلة الحليب ونقلبهم على النار
  • نخلى الفرخة من الجلد والعظم ونقطعها بايدينا نسل
  • نخرط الفلفل الرومى ونخلى الزيتون
  • نسلق المكرونة نصف سلق – 6 دقائق – ثم نصفيها ونغسلها بالماء
  • نعيد المكرونة للحلة ونقلب معاها نسل الفراخ والفلفل الرومى والزيتون والجبنة المبشورة والباشميل ونقلبهم جيدا
  • نقسم الخليط على الصينيتين
  • ندخل الصوانى الفرن على درجة 180 مئوية لمدة 30-45 دقيقة حتى يبقللوا
  • نقدمها ساخنة بعد ان ترتاح 20 دقيقة حتى تتماسك

وبالف هنا وشفا


اليكم طريقة اقتصادية جديدة أوفر واسهل بدون فرن ولا حليب ولا جبنة – تكفى 5 اشخاص وكمان بتقعد يومين

المقادير

  • فرخة مسلوقة فى 2 لتر ماء يغطيها مع بصلة وطماطماية صغيرة وفلفلاية رومى مخرطين وملح وفلفل وملح صينى وكبابة صينى
  • 1500جم سمن او زيت او خليط
  • 250جم دقيق
  • 4 فلفل رومى
  • قرن فلفل حامى
  • كوب زيتون اخضر
  • 1400جم مكرونة قلم
  • خضرة مفرية لتجميل الاطباق (بقدونس – كزبرة – شبت)

الطريقة

  • نقطع الفرخة 4 قطع ثم نسلقها فى 2 لتر ماء مغ بصلة وطماطماية وفلفلاية رومى وقرن فلفل حامى مخرطين وملح وفلفل وملح صينى وكبابة صينى على نار هادية جدا شمعة – لمدة 3 ساعات
  • نصفى الشوربة ونضع الفرخة فى صينية ونتركها حتى تبرد
  • نضع فى حلة بحجم 4 لتر الدقيق مع السمن والزيت ونقلب بمضرب سلك كويس جدا على نار هادية حتى يذوب الدقيق تماما ويصبح لونه كريم ثم نطفئ النار ونتركه يبرد قليلا – ثم نضيف الشوربة باردة او دافئة بالتدريج مع التقليب جيدا
  • نقسم الباشميل نصفين ليومين – ولا نسخن الباشميل الا اثناء سلق المكرونة
  • نخلى الفرخة من الجلد والعظم ونقطعها بايدينا نسل ونقسمها على 2 ليومين
  • نخرط الفلفل الرومى ونخلى الزيتون
  • نسلق نصف المكرونة الفرن 15 دقيقة – ثم نصفيها بدون شطف
  • نعيد المكرونة للحلة ونصب عليها نصف البشاميل ونصف الفراخ والفلفل الرومى والزيتون ونقلبهم جيدا
  • نقدمها دافئة وتجمل وجه الاطباق بخضرة مفرية
  • فى اليوم التالى نسلق 700جم مكرونة كما فعلنا فى اليوم السابق – وفى نفس الوقت نسخن نصف الباشميل المتبقى ونكمل باقى الخطوات نفسها

وبالف هنا وشفا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *