رقاق على البوتاجاز سهل وسريع

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

vrhr-001تعالوا نخبز رقاق فى البيت – دة سهل جدا وكمان موفر – كيلو دقيق بيعمل كيلو رقاق – يعنى أقل من ربع ثمن الجاهز
اليكم أسرع وأسهل طريقة شفتها فى حياتى لعمل رقاق فى البيت – حنعمل مع بعض رقاق بيتى على البوتاجاز – بدون حاجة للفرن – وهى نفس طريقة خبز فى الهند يسمونه phulka فولكا او شباتى او روتى – يصنع بدون خميرة وبدون تخمير – يحتوى على دقيق وماء وملح فقط

المقادير (لعمل كيلو رقاق)

  • كيلو دقيق ابيض
  • 500جم ماء دافئ
  • 2 معلقة صغيرة ملح
  • طبق به دقيق (لاستخدامه خلال فرد الاقراص)

الطريقة

التنفيذ محتاج شخصين – الاول يفرد قرص والتانى يخبزه على البوتاجاز فى الوقت اللى الاول يفرد فيه القرص التالى وهكذا
نقلب الملح مع الدقيق ثم نصب الماء ونخلطهم كويس ونعجنهم دقيقتين ثم نغطيهم لمدة ساعة
نقطع العجينة 4 ارباع ثم كل جزء نقسمه 4 اجزاء لنحصل على 16 جزء -ثم نشكل كل جزء كورة بين ايدينا ونغطيهم برضه
نفرد بالنشابة بالطول والبعرض لغاية ما نحصل على قرص ارفع حاجة ممكنة – لو العجينة بدأت تلزق نرش ذرة دقيق ونمسحها على وش القرص – ونقلبه كل شوية اثناء الفرد
ناخد القرص وبحرص نفرده فى الطاسة او الشواية على نار متوسطة- وهنا يبدا عمل اللى بيساعدنا
المساعد بعد دقيقة لما يلاقى نقط بنى بدات تتكون فى القعر يقلب القرص على وشه التانى لمدة دقيقة أخرى
نشيله ونحطه على وجهه الاول على نار مباشرة ضعيفة ثوانى
نقلبه على الوجة الثانى ثوانى ايضا
نتركه فى الهواء على شبكة حتى يبرد خالص

kneading roti dough

نعجن الدقيق والملح والماء ونغطيهم ربع ساعة

 

dough balls for making rotis or phulkas

نقسم العجينة ونشكل كور بحجم البيضة

 

rolling rotis

نفرد الكرة بالنشابة

 

rolling dough for making rotis or dough

حتى نحصل على قرص مستدير قطره حوالى 20سم

 

making rotis or phulkas

نضع القرص فى طاسة سابقة التسخين على نار متوسطة

 

making rotis or phulkas

بعد دقيقة عندما تظهر فى القعر بقع بنى صغيرة نقلبه على وشه التانى

 

puffed rotis or phulkas

نأخذ الرغيف من الطاسة ونضعه على نار هادية مباشرة على وجهه الاول – فى ثوانى قرص الرقاق حيتنفخ – نقلبه على وشه الثانى ثوانى اخرى مش اكتر عشان مايتحرقش

لو الموضوع نال اعجابك اضغط هنا لدعم الكاتب (جزاكم الله خيراً)

2 تعليقان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *