آخر تحديث : 07-04-2017 الساعة 11:36 ص

تحديث : اقرأ اسرار تدميس فول دايب زي الزبدة

اليكم وصفة عمل فول مدمس بالخلطة السرية – نبدأ الاول بالخلطة السرية:

مقادير الخلطة السرية (7 مكونات)

• كوب ونصف خل
• ليمونة
• قرن فلفل حامى
• معلقة صغيرة كمون
• معلقة صغيرة عصفر
• معلقة صغيرة ملح
• 7 فصوص ثوم

الطريقة:

• نصب الخل فى زجاجة كتشب فاضية
• نقشر فصوص الثوم ونقسمها طوليا نصفين ونضعهم فى الخل فورا
• نقسم قرن الفلفل ونضعه فى الثوم
• نغسل اليمونة جيدا ونعصرها على الخل ثم نضع القشر ايضا فى الخل
• نضع العصفر والكمون والملح فى الخل ونغلق الزجاجة ونرجها جيدا ثم نتركها على المطبخ

بعد تدميس الفول وبعد ان يبرد تماما فى الثلاجة نضربه فى الخلاط بدون ماؤه ضرب خفيف بحيث يبقى فتافيت لكن مش كتير لدرجة انه يبقى عصير – وعند تجهيز الفول نسخن الكمية المطلوبة – وبعد ما نطفى النار نضع عليه – مثلا لاربعة اشخاص:

• معلقة طحينة
• ربع كوب زيت
• معلقة من الخلطة السرية

ونقلب بحركة دائرية سريعة جدا الى ان يختفى الزيت فى الفول ولا يظهر له أثر – دى عملية اسمها emulsification او استحلاب – تشبه طريقة عمل المايونيز – وهى مهمة جداً للحصول على الطعم الرائع للفول المدمس – ثم نضع على الفول :

• 3 ثمرات طماطم مقطعة صغير
• بصلاية مقطعة صغير

ونقلب الكل ونبدأ نعمل أحلى سندوتشات فول – بالعيش الشامى أو البلدى الأسمر – مع خيار مخلل او طرشى مشكل – مش حتقدر تقاوم طعامته!