أخيرا لقيت مكان اقدر اشترى منه دقيق حبة القمح الكاملة Wholewheat flour – الدقيق اسمه “المروة” من انتاج شركة مطاحن شمال القاهرة – الكيلو فى عبوة ورقية ثمنه 4 جنيه فقط – بيطحنوا القمح كامل زى ما هو بدون ما يستخرجوا منه حاجة – ودة مفيد وصحى جداً – تمام زى البليلة – بعكس الدقيق الابيض اللى هو عبارة عن قلب القمح النشوى فقط – فى حين ان باقى اجزاء القمح هو اللى فيه الفوائد الصحية كلها – لذلك انصح الجميع بشراء دقيق حبة القمح الكاملة لما تحتوى عليه من فيتامينات ومعادن وعناصر غذائية لا يتوافر أى منها فى الدقيق الابيض
المشكلة ان شركة مطاحن شمال القاهرة منتجاتها غير متوفرة فى السوبرماركتات لسبب غير مفهوم – يبدو انهم ينقصهم ادارة تسويق نشيطة – لكن اللى قدرت اعرفه ان ليهم منفذ بيع فى شارع العباسية قبل عبده باشا ومنفذ آخر فى شبرا وفى مدينة السلام – لا يوجد للأسف ذكر لفروعهم على موقعهم الرسمى
يعني مش هنلاقيه محافظات
ممكن والله تقولو رايكم في دقيق فارينو ؟ اللي في كيس ورق
لا انصحك بشراء دقيق فارينو دور – فقد كتبت عنه سابقا هنا:
http://my2cents.gawaher.com/2238/%d8%a5%d8%ad%d8%b0%d8%b1%d9%88%d8%a7-%d8%b4%d8%b1%d8%a7%d8%a1-%d8%af%d9%82%d9%8a%d9%82-%d9%81%d8%a7%d8%b1%d9%8a%d9%86%d9%88-%d8%af%d9%88%d8%b1.html
الافضل لو ملقيتيش دقيق حبة القمح الكاملة ان تشترى دقيق الخمس نجوم Five Stars
http://my2cents.gawaher.com/5478/%d8%a7%d9%81%d8%b6%d9%84-%d8%af%d9%82%d9%8a%d9%82-%d9%84%d8%b9%d9%85%d9%84-%d8%a7%d9%84%d8%a8%d9%8a%d8%aa%d8%b2%d8%a7.html