وفر 50% من اشتراك تليفونك الارضى

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

Alternate Text

نظام كلامى 15 يوفر لك 18 جنيه فى كل فاتورة – فبدلا من دفع 12ج اشتراك شهرى – ستدفع 6ج فقط – يعنى فى فاتورتك كل 3 شهور حتدفع 18ج بدلا من 36ج

سيبك من طريقة المصرية للاتصالات فى الترويج لنظام كلامى: “باقة كلامي 15 جنيه تمنحك 300 دقيقة محلي مقابل 15 جنيه شامله الإشتراك الشهري” – دى طريقة يصعب حسابها وهم انفسهم لا يستخدمونها فى فواتريهم – تعالوا نبص على الفاتورة ونشوف بيحسبوها ازاى:

المشترك فى نظام كلامى 15 حيلاقى الفاتورة ربع السنوية بها المبالغ التالية:

  • اشتراك شهرى: 36ج
  • خواص: 9ج
  • خصم باقات مخفضة: 27ج

كل دة عشان مكسلين يصمموا فاتورة خاصة بنظام كلامى – فاستخدموا خانتين بدلا من خانة واحدة – لكن بحسبة بسيطة سنجد ان الاشتراك هنا يصبح:
36 + 9 = 45ج
وهذا بالفعل يمثل قيمة نظام كلامى 15ج فى 3 شهور (15ج×3=45ج) – لكن يبدو انهم لم يتمكنوا من تصميم فواتير خاصة بنظام كلامى او استسهلوا استخدام تصميم موحد لكل المشتركين فاضطروا الى اضافة 9ج تحت بند “خواص” حتى لا ينشئوا خانة جديدة

ثم يأتى المهم وهو خصم 27ج نتيجة للاشتراك فى نظام كلامى 15 – وبالتالى نجد ان الاشتراك بعد الخصم يصبح:
45 – 27 = 18ج

أما باقى بنود الفاتورة فهو هو بدون تغيير – مكالماتك الزائدة والمحافظات والارقام المختصرة – كلهم كما هم – لا فرق بين النظام العادى وبين نظام كلامى – بمعنى ان المكالمات الزائدة هى هى بدون تغيير – لكن من ناحية تانية يوجد خصم من اجمالى قيمة الفاتورة قيمته 18ج – ولسهولة الحساب قلنا ان الاشتراك انخفض بنسبة 50% من 12ج الى 6ج شهرى

أى ان الفرق الوحيد هو خصم 18ج من الفاتورة الربع سنوية – وهو خصم يستحق ان نشترك فى نظام كلامى 15 من أجله – وفر 6ج شهريا – اى 72ج كل سنة

لا اعرف لماذا تروج المصرية للاتصالات لنظام كلامى بطريقة ليس لها علاقة بالطريقة الحسابية التى يطبقونها فى الواقع – ولا لماذا لا يصممون فواتير خاصة بهذا النظام بدلا من وضع مبالغ فى غير الخانات المخصصة لها مما يربك المشتركين ويجدون صعوبة فى فهمها – لكن ارجو بعد قراءة هذا الموضوع ان اكون قد بسطت لكم طريقتهم الغريبة فى الحساب

فى النهاية انصحكم بالاشتراك فى هذا النظام حتى توفروا 72 جنيه سنويا

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *