طريقة الكرواسون الفرنسى

عندى ليك مفاجأة النهاردة اضغط هنا عشان تشوفها (مفاجأة جديدة كل يوم)

مين مبيحبش الكرواسون؟ ولو جربت تاكل كرواسون فى باريس حتكتشف انك مكنتش بتاكل كرواسون قبل كدة

اضغط هنا

هو ممكن يتعمل فى البيت – بس لازم الاول نتفق ان سر الكرواسون يكمن فى الزبدة – ثلث الكرواسونة بيكون زبدة – والزبدة لازم تكون طبيعية اصلية – ابتعدوا تماما عن الزبدة الرخيصة السايبة لانها غالبا بتكون زبدة صناعية مصنوعة من زيوت رخيصة مهدرجة – انصحكم بزبدة روتانا النيوزيلاندية

الطريقة دى جبتهالكم من موقع weekend bakery

مقادير العجينة

  • 1/2 كيلو دقيق
  • 140جم ماء
  • 140جم حليب
  • 55جم سكر
  • 40جم زبدة
  • 11جم خميرة فورية
  • 12جم ملح

مقادير اخرى

  • 280جم زبدة
  • بيضة ومعلقة صغيرة ماء لدهان الوجه

اليوم الاول

  • نخلط مكونات العجينة ونعجنها بضع دقائق
  • نعملها على شكل قرص ونغطيه فى الثلاجة 24 ساعة او ليلة
  • فى اليوم التالى نخرج العجينة ونفردها بالنشابة حتى تصبح على شكل مربع
  • نقطع الزبدة باردة من الثلاجة شرائح ونضعها فى منتصف مربع العجينة بزاوية 45 درجة – ونراعى الا تصل للاطراف
  • نطبق العجينة من اطرافها المثلثة الاربعة على الزبدة على شكل ظرف
  • نرش شوية دقيق ونبدأ نفرد العجينة برفق بالنشابة بالطول حتى تصل الى 3 اضعاف طولها
  • نطبق العجينة تطبيق ثلاثى ثم نغطيها ببلاستيك ونضعها فى الفريزر 20 دقيقة
  • نفرد العجينة مرة أخرى – المرة دى من الجنب الآخر من عند التنيات – بنفس الطريقة ونطبقها ثلاثى ونضعها فى الفريزر 20 دقيقة
  • نكرر نفس الخطوة مرة ثالثة
  • كدة عدد الطبقات اللى الزبدة فاصلة ما بينهم حيبقوا 27 طبقة (3×3×3=27)
  • نخرج العجينة ونفردها للمرة الأخيرة ثم نقسمها مثلثات
  • نلف المثلث برفق من قاعدته لغاية طرفه المدبب ونرصهم فى الصينية متباعدين عن بعض
  • نترك الكرواسون يهدأ نصف ساعة نسخن فيهم الفرن على 220 درجة مئوية
  • نضع الصينية فى الرف العلوى للفرن لمدة 15 دقيقة

تابعوا الخطوات مع الفيديو :

 

لو الموضوع نال اعجابك اضغط هنا لدعم الكاتب (جزاكم الله خيراً)

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *