احسن فلتر مياة : اكوا مصر

اكوامصر هو جهاز تقطير للمياة استخدمه فى بيتى من اكثر من 10 سنوات – جربت انواع كثيرة من فلاتر المياة ووجدت ان جهاز التقطير هو أفضلهم – فهو الوحيد اللى بيقدر يخلصنا من المعادن الثقيلة والسموم الموجودة فى مياة الشرب فى مصر

المعروف ان تلوث المياة هو السبب وراء الانتشار الفظيع للفشل الكلوى والكبدى والعياذ بالله – والمعروف ايضا ان جميع فلاتر المياة غير صحية – باعتراف وزير الصحة نفسه – لسبب بسيط هو ان أى فلتر مياة يحتفظ بداخله بكل الملوثات التى احتجزها – وبالتالى تمر المياة التى تشربها من خلاله يوميا على مخزون ايام واسابيع وشهور من الملوثات بدلا من الملوثات القليلة التى تأتى كل مرة من صنبور المياة – واذا لم تكن تغير شمعات الفلتر كل اسبوع مثلا فانت بتحوش الملوثات لشهور وتشرب كل مرة من خلالها

اما جهاز التقطير فهو يغلى الماء فيتبخر ثم يقوم الجهاز بتكثيف هذا البخار ويتحول الى قطرات ماء صافى مرة أخرى تاركا خلفه كالملوثات والمعادن الثقيلة

الصورة التالية التقطتها للمعادن الثقيلة التى احتجزها جهازى خلال مدة زمنية قدرها 4 شهور – وهى المدة التى يتم فيها تنظيف الجهاز – فتخرج من قاعه كمية وزنتها فوجدتها حوالى 700 جرام – كل ذلك كان سيدخل بطننا لولا فضل الله الذى حمانا منه عن طريق جهاز التقطير

IMG_1590

700 جرام من المعادن الثقيلة والملوثات حجزها جهاز تقطير المياة خلال 4 شهور

 

الجهاز غالى شوية – اشتريته ب1500ج مش عارف دلوقتى بكام – ستنلس ستيل بالكامل – وسعته 10 لتر – وصيانته رخيصة كانت الاول ببلاش وبعدين بقت ب5 جنيه وقعدوا يزودوها لغاية ما وصلت حاليا 50 جنيه بتدفعها لفنى الصيانة اللى بتطلبه كل 3 او 4 شهور لتنظيفه من الداخل – وميزته انه مفيهوش شمعات تتغير – بس هو بيستهلك كهربا كتير زى سخان الماء تقريبا – بس بصراحة انصح كل الناس يشتروه لان مياة الشرب وصلت لدرجة مخيفة من التلوث وحرام نخلى ولادنا يشربوها من الحنفية كدة – وهى خطر على الكبير قبل الصغير – والماء اصل الحياة واكبر سبب للتلوث والامراض فى مصر – ربنا يحفظكم ويحفظ اولادكم من كل سوء

 

 

00000000000

 

5 تعليقات

    • يا نهار ابيض – كل حاجة غليت نار – 4000ج ؟ الصغير ال10 لتر؟
      بس بصراحة يستاهل عشان صحة كل افراد الاسرة
      انا جايبه من حوالى 13 سنة بالف ونص – وشغال زى الفل لغاية دلوقتى
      بيحتاج بس عامل الصيانة ييجى ينظفه مرتين فى السنة – كان بياخد 5ج فى المرة دلوقتى بقى ياخد 50ج – ولو محافظات بياخد 150ج فى المرة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.