المستقبل الضيق لعلمى علوم والواسع لعلمى رياضة

تخصص علمى علوم فى الثانوية العامة تخصص هام ودراسته شيقة – لكن للأسف الطالب ليست امامه فرص كثيرة للالتحاق بالجامعة فى تخصصه – بمعنى ان الطالب لو جاب أقل من 95% لن يجد أى كلية جامعية حكومية فى تخصصه – مع العلم ان الحاصل على 95% يمكنه فقط الالتحاق بكلية العلوم – أما كليات الطب وطب الاسنان والصيدلة فبتاخد مجاميع تعجيزية أغلب الطلبة لا يستطيعون الحصول عليها – فاذا حصل على أقل من 95% فسيضطر الى دخول كليات عامة تقبل علمى وادبى مثل التجارة والاداب والحقوق – يعنى سهر الليالى والدروس العلمية كل دة حيبقى ملوش لازمة وحيتساوى مع طالب أدبى اللى درس له شوية جغرافيا وتاريخ

بينما نجد العكس عند طلبة علمى رياضة – لانهم اذا لم يستطيعوا دخول كليات الهندسة الحكومية يمكنهم دخول واحد من عشرات المعاهد الهندسية الخاصة اللى بتاخد 80% وأقل كمان – أو يدخل علوم حاسب ويتخرج مهندس برمجيات – ودى بتاخد لغاية 60% وساعات 54% كمان ومصاريفها بتبدأ من 6000ج فى السنة

كل الفرص دى لا يوجد للأسف بديل لها عند طلبة علمى علوم – يعنى طالب علمى علوم اما يموت نفسه مذاكرة ويجيب مجموع مرعب – أو يلتحق بكليات أدبى وينسى تخصصه العلمى الجميل اللى سهر الليالى فيه عشان يذاكر ويفك طلاسم الكيمياء والفيزياء والاحياء

فكروا كويس قبل ما تختاروا التخصص فى ثانية وثالثة ثانوى – وربنا يوفقكم جميعاًباذن الله

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *