Lenovo G5030 لاب توب رائع بسعر خيالى

لاب توب لينوفو G50-30 يباع بسعر 1479ج اون لاين من خلال موقع jumia.com – الجهاز سعره لايدل ابدا على امكانياته – فهو جهاز سريع جدا فى التصفح والبرامج ويوتيوب واى حاجة عالنت – طبعا هو مش مناسب للالعاب اللهم الا الالعاب الخفيفة والعاب مواقع النت والفيس الخ – لكن لو كنت غاوى العاب كبيرة وحديثة فحتحتاج تشترى جهاز اغلى لا يقل عن 4000ج

G5030 جهاز حديث جدا – قائم على بروسيسور الجيل الرابع من انتل سليرون رقم N2840 وسرعته 2.16GHz ودة بروسيسور اقتصادى جدا فى استهلاك الكهربا – 7 وات فقط للجهاز كله – اقرأ نتائج قياس استهلاكه للكهرباء هنا – ومش بيسخن ولذلك فالجهاز fanless بدون مروحة تبريد لذلك تلاقى الجهاز بدون صوت ولا اهتزازات – وبطاريته تدوم 5 ساعات

الجهاز مناسب جدا لطلبة الجامعة ولاى مستخدم عادى عايز لاب توب سريع ورخيص بدون مايغرم الوف بدون داعى

الجهاز الرامات بتاعته 4 جيجا والهارد 500 جيجا – كارت الشاشة مدمج فى البروسيسور نفسه وهو من نوع Intel HD Graphics

شكل الجهاز شيك جدا وخفيف الوزن: 2 كيلو بدون بطارية و2.27كجم بالبطارية – وبه كل امكانيات الاجهزة الغالية – يو اس بى 3 – بلوتوث – كاميرا – كارد ريدر وهو لاب توب رفيع سمكه اقل من 1 بوصة

يوجد عيب بسيط فى اللاب توب دة يتعلق بالكيبورد – فهو يهتز قليلا عند الكتابة – لكن دة عيب تافه

وكمان السى دى اللى بييجى معاه عليه تعريفات ويندوز 8.1 فقط – فلو عايز تستخدم ويندوز 7 مثلا يبقى حتضطر تنزل كل تعريفاتها من موقع لينوفو الرسمى من خلال جهاز تانى وبعدين تنقلهم بفلاشة – الافضل استخدام وينوز 7 64 وليس 32 لانها مالهاش درايفرات عندهم – وطبعا الجهاز متوافق مع ويندوز 10 لو بتفضلها اكتر – ودرايفراتها موجودة برضه على موقع لينوفو

اللاب توب دة غير فكرتى عن الاسعار – فلم تعد هناك حاجة لدفع الوف الجنيهات لشراء لاب توب بدون داعى بينما ممكن ب1497ج نشترى جهاز فيه كل الامكانيات اللى تؤدى نفس الغرض (ماعدا الالعاب كما اتفقنا) فهو جهاز للنت والدراسة والعمل وللتسلية وقضاء اوقات سعيدة مع الموسيقى والافلام

تحديث: للأسف السعر زاد فى جوميا (يبدو بسبب زيادة سعر الدولار) وأصبح 1699ج + مصارف الشحن (29ج) – وممكن يزيد فى الايام القادمة أكثر مع الزيادات المتوقعة للدولار

لو حتشتروا خدوا بالكو من حاجتين – توجد فى السوق اجهزة راماتها 2 جيجا فقط لا تشترى الا ال4 جيجا – وكمان يوجد بروسيسور اضعف رقمه N2830 لا تشترى الا N2840 – اليكم رابط الجهاز الافضل: اضغط هنا

فاضل اقول لكم كلمة عن الشراء اون لاين فى مصر – اكبر شركتين هما جوميا و سوق – سوق دوت كوم عيبها ان التوصيل بيتأخر جدا – يعنى ممكن تنتظر اسبوعين – اما جوميا فالتوصيل عدهم طلقة – ممكن خلال 24 ساعة يوصلك طلبك – والدفع عند الاستلام – والسر فى كدةة ان جوميا بتوصل بنفسها – ام سوق بتستخدم شركة شحن بطيئة كالسلحفاة للك لا انصحكم بالتعامل معهم الا اذا كان ماتريدون شراؤه غير متوفر فى جوميا – لكن غالبا دة مش بيحصل لان جوميا منتجاتها وعروضها اضعاف سوق – وكمان اسعارهم فى الغالب بتكون ارخص شوية من سوق – وللتأكد ممكن تنبحث عن السلعة اللى عاوز تشتريها الاول من خلال موقع bkam.com الموقع دة بيجيب لك سعر اللى انت عاوزه فى اماكن كتير عشان تقدر تقارن وتعرف هو ارخص مكان بيبيعه مين

تحديث

اكتشفت من خلال موقع notebookcheck.com ان العاب كثيرة ممكن تشتغل على اللاب توب دة – بس على أقل اعدادات – Low Settings – كما هو مذكور هنا
اليكم قائمة ببعض الالعاب – وتجدون امام كل لعبة عدد الفريمات فى الثانية (المعروف ان بدئا من 25 تبقى اللعبة ناعمة ومش بتقطع):

Counter-Strike: Global Offensive (Artwork: Valve)

Dirt Showdown (Artwork: Codemasters)

StarCraft II: Heart of the Swarm Logo

  • sim 4 54.85 fps
  •  Fifa 14 24.85 fps
  • irt ralley 2015 23.1 fps
  • world of warships 12.1 fps
  • metal gear solid v 10.8 fps
  • f1 2014 13 fps
  • fifa 15 12.4 fps
  • grid autosport 2014 36.7 fps
  •  Wolfenstein: The New Order (2014) 11.1 fps
  •  The Elder Scrolls Online (2014) 25.2 fps
  •  X-Plane 10.25 (2013) 12.8 fps
  •  Batman: Arkham Origins (2013) 14 fps
  • F1 2013 (2013) 12 fps
  •  Splinter Cell: Blacklist (2013) 11 fps
  •  Dota 2 (2013) 24.6 fps
  •  GRID 2 (2013) 17.9 fps
  •  BioShock Infinite (2013) 13.3 fps
  • StarCraft II: Heart of the Swarm (2013) 56.2 fps
  • Tomb Raider (2013) 14.3 fps
  •  Dead Space 3 (2013) 19.35 fps
  •  Far Cry 3 (2012) 10.3 fps
  •  Call of Duty: Black Ops 2 (2012) 12.4 fps
  •  Dishonored (2012) 13.4
  •  Torchlight 2 (2012) 42 fps
  • Counter-Strike: GO (2012) 36.35 fps
  •  Sleeping Dogs (2012) 13.05 fps
  •  Dirt Showdown (2012) 28 fps
  •  Diablo III (2012) 15.6 fps
  •  Anno 2070 (2011) 16.8
  • Fifa 12 smooth

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *