طريقة حفظ الثوم المفروم طرى فى الفريزر

عند فرم الثوم وتجميده فى الفريزر كان بيجمد ويبقى مثل الاسمنت – واخيرا توصلت لاكتشاف خطير اتعلمته من بائعة ثوم فى السوق تجعل الثوم فى الفريزر يحتفظ بقوامه الطرى كما هو فيسهل الاخذ منه بالمعلقة بمنتهى السهولة فى اى وقت – ويفضل طرى ومحتفظ بنكهته ولونه لمدة 6 اشهر او اكثر – وقد بحثت فى هذا الامر ووجدت له سبب علمى – فبينما الماء يتجمد عند درجة صفر – لا يتجمد المحلول الملحى الا عند درجة -21  بينما اقصى درجة للفريزر هى -18 وبالتالى لا يصل الى درجة تجمده – وهذا هو سر عدم تجمد الثوم اذا خلطناه بالملح

المقادير

  • كيلو فصوص ثوم مقشر
  • نصف كيلو ملح

الطريقة

  • نضرب فصوص الثوم المقشر مع الملح فى الخلاط او الكبة – لا نضرب كثيرا – عايزينه خشن شوية وليس ناعم كالمرهم
  • نحفظه فى برطمان او علبة محكمة الغلق فى الفريزر
  • عند الاستخدام نغرف منه بملعقة حنلاقيه طرى وجميل

وممكن نضرب جنزبيل طازج مع الثوم بيدى الاكل طعم رائع بنكهة هندية محببة – المقادير كيلو فصوص ثوم وكيلو جنزبيل طازج وكيلو ملح – او نصف كيلو لكل منهم لو حنعمل نص الكمية – بيفضل برضه طرى فى الفريزر وجاهز للأخذ بالمعلقة فى اى وقت

وبالف هنا وشفا

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *