غريبة ناعمة فى منتهى السهولة

الغريبة من اسهل الحلويات اللى ممكن تتعمل فى البيت وحتوفر لك كتييير وكمان صحية عن الجاهزة لاننا لن نستخدم اى سمن صناعى (اللى هى عبارة عن زيوت مهدرجة شديدة الخطورة) – مقاديرها ثلاث حاجات فقط – بنسبة وزن ثابتة 1 سكر : 2 سمن : 4 دقيق – سر نعومة الغريبة اللى بتذوب فى الفم يكمن فى تسويتها فى فرن على أقل درجة ممكنة ولمدة 10 دقائق لا أكثر

المقادير (لعمل كيلو غريبة)

  • 150جم سكر بودرة ناعم
  • 300جم سمن بلدى بارد من الثلاجة (او نصف سمن ونصف زيت)
  • 600جم دقيق ابيض
  • ربع معلقة صغيرة ملح

الطريقة

  • نضرب السكر السنترافيش والملح فى مطحنة التوابل
  • فى الصيف نترك السمن فى الثلاجة قبلها بيوم عشان ماتبقاش سايحة – نضرب السمن مع السكر والملح لغاية مايبقى لونها ابيض وهشة مثل القشطة
  • نضيف السكر البودرة بالتدريج ونضربه مع السمن لغاية مايبقوا زى الكريمة البيضاء
  • نضيف الدقيق بالتدريج ونقلبه
  • نعجن قليلا بايدنا لمجرد ما تتماسك وتبقى ملساء
  • نغطيها بكيس ونتركها على المطبخ 10 دقائق
  • نسخن الفرن فاضى على 120 درجة لمدة 20 دقيقة
  • فى هذه الاثناء نشكل كور صغيرة بين كفى ايدينا وبعدين وهى لسة فى ايدنا ندوس بصباع من فوقها وصباع من تحتها فى منتصف الكرة لتأخذ الشكل المعروف للغريبة – ونرصها فى صينية مفروشة بورقة قصدير تاركين مسافات بسيطة بينهم لانها حتنفش فى الفرن
  • نضع الصينية فى الرف العلوى للفرن وتحتها 3 ورقات فويل لتجنب احمرار قعر الغريبة
  • نخرجها وهى لسة بيضاء – مجرد ما حجمها يكبر نشيلها فورا – 7 او 8 دقائق فقط – ولا ننتظر ان تحمر – المفروض تكون بيضاء من فوق ومن تحت كمان عشان نحصل على غريبة ناعمة ودايبة
  • نترك الصينية على المطبخ بعد ما نغطيها بورق الفويل اللى كان تحتها عشان تكمل سوا خارج الفرن – بتأثير السمن الساخن بداخلها – وعشان ما تنشفش فى الهوا
  • نتركها مغطاة حتى تبرد تماما – حوالى ساعة
  • مهم جدا الغريبة تخرج وهى لسة بيضاء من تحت وطرية – لو فضلت فى الفرن اكثر حتحمر من تحت ونعومتها تقل وتطلع ناشفة
  • تحفظ فى علبة محكمة الغلق

اسيبكم بقى مع فيديو جميل لسالى فؤاد بيوضح الطريقة بالتفصيل (حتلاحظوا ان الخطوات اللى ذكرتها لهم فوق مختلفة قليلا عن تعليمات الفيديو – ودة بعد تجارب شخصية متكررة كعادتى مع كل الوصفات التى اكتبها لكم)

خد بالك الغريبة على قد ماهى طعمة لكنها خطر على رشاقتك – كل منها واحدة او اتنين صغننين فقط واوعى تنسى نفسك

وبالف هنا وشفا

 

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

2 تعليقان

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *