صدور فراخ بانيه

13762506197158-001صدور الفراخ البانيه من ألذ اطباق الفراخ وربما الذها على الاطلاق – وعملها سهل وسريع – بس بتحتاج اننا نتبلها قبلها ب4 ساعات – ودة هو السر فى اننا نحصل على صدور بانيه تذوب فى الفم ذوبان وطعمها خطيييير! – اليكم الطريقة

المقادير

  • نصف كيلو صدور فراخ مخلية من العظم والجلد
  • بصلة
  • ربع كوب خل
  • قرن فلفل حامى صغير (اختيارى)
  • معلقة ونصف صغيرة ملح
  • معلقة صغيرة فلفل اسود مطحون
  • نصف معلقة صغيرة ملح صينى
  • نصف معلقة صغيرة كبابة صينى او بهارات
  • معلقتين زيت
  • بيضتين
  • معلقتين حليب
  • بقسماط مطحون

الطريقة

  • نقشر البصلة ونضربها فى الخلاط مع قرن الفلفل والخل والتوابل
  • نضع شرائح صدور الفراخ فى وعاء ونصب عليه الخليط والزيت ونقلبهم كويس لكى نغطى كل الشرائح بالخليط والزيت
  • نترك الوعاء فى الثلاجة 4 ساعات
  • نضرب البيض مع الحليب فى طبق – وبجواره نضع البقسماط فى طبق ثانى – وبجواره نجهز طبق ثالث واسع لنرص شرائح اللحم عليه
  • نخرج الشرائح من الثلاجة ونضعها بجوار طبق البيض المخفوق – نمسك شريحة ونغمرها فى البيض على وشها وضهرها ثم نخرجها منه ونضعها نائمة ومفرودة فى طبق البقسماط ونرش عليها البقسماط باستخدام معلقة كبيرة حتى يغطيها البقسماط تماما وش وضهر
  • نرفع الشريحة من البقسماط ونهزها قيلا لننثر البقسماط الزائد ثم نرصها فى الطبق الاخير
  • نكرر نفس الخطوة مع باقى الشرائح
  • نسخن زيت فى طاسة ونحمر الشرائح حتى يصبح لونها ذهبى على الوجهين
  • تقدم ساخنة مع سلطة خضراء وارز مفلفل بالشعرية

والف هنا وشفا

 

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *