اكثار الخميرة البرية وطريقة استخدامها

اذا كنت حصلت منى او من اى صديق على 30جم خميرة برية فعليك اكثارها اولا قبل استخدامها – بالطريقة التالية:

  • نضع الخميرة فى برطمان زجاجى سعة لتر
  • نضيف لل30جم خميرة 30جم ماء ونغطى البرطمان ونرجه جيدا – ثم نضيف 30جم دقيق ونقلب الخميرة مع الدقيق جيدا ثم نغطى البرطمان ونتركه على المطبخ
  • بعد ان يتضاعف الحجم (خلال 4 ساعات) نضيف لها 50جم ماء + 140جم دقيق فنحصل بذلك على 270جم
  • نعجن العجينة على رخامة المطبخ او بين ايدينا ونعملها كرة ثم نسقطها فى البرطمان ونغطيه
  • عندما يزيد ارتفاع الخميرة بمقدار الربع (حوالى ساعتين) نضع البرطمان فى الثلاجة – هذه الكمية من الخميرة تكفى لنخبز بها 9 كيلو دقيق
  • لخبز كيلو دقيق نأخذ من الخميرة 30جم ليلة كل خبيز كما سنرى فى السطور التالية
  • يمكن اهداء 30جم خميرة برية فى كيس بلاستيك الى جيراننا – اقاربنا – معارفنا – اصدقائنا

طريقة استخدامها فى الخبيز

  • نحفظ برطمان الخميرة فى الثلاجة – ممكن تقعد 3-4 شهور فى الثلاجة بدون اكل
  • فى الليلة السابقة للخبيز ناخذ من البرطمان 30جم خميرة نضعهم فى برطمان كبير فاضى – ثم نعيد البرطمان الاصلى للثلاجة
  • نضيف 120جم ماء ونهرس الخميرة بظهر معلقة لغاية ما تذوب فى الماء تماما
  • نضيف 120جم دقيق ونقلبهم كويس بمعلقة وبعدين نغطى البرطمان ونتركه على المطبخ
  • كدة احنا حضرنا 270جم خميرة برية حيبقوا جاهزين الصبح – وهذه الكمية تكفى لتخمير كيلو من الدقيق
  • فى الصباح – او بعد مرور 6-8 ساعات – حنلاقى الخميرة وصل حجمها الى اكثرمن الضعف وكلها فقاقيع
  • نضيف لهم كوب من الماء اللى حنخبز بيه ونرجهم كويس وبعدين نصبهم فى وعاء الخبيز مع باقى ماء العجن ونقلبهم كويس مع بعض قبل اضافة الدقيق وباقى المقادير
  • العجينة حتحتاج صيفا من 4 الى 6 ساعات عشان تخمر ويتضاعف حجمها – وحوالى 8 ساعات فى الشتاء
  • أى وصفة عجائن او مخبوزات تحتوى على خميرة فورية أو جافة ممكن نستبدلها ب210جم من الخميرة البرية – بس نراعى اننا نخمر العجينة فترة أطول – حتى تصل الى ضعف حجمها
  • العجينة اللى بتخمر فى وقت اطول بتعطى مخبوزات أكثر طعامة وقيمتها الغذائية بتكون أعلى – وكمان المخبوزات بتعيش فترات اطول من الخميرة التجارية

بعد مرور اكثر من شهرين على الخميرة فى الثلاجة قد نلاحظ انه عند استخدامها ككل مرة ان حجم الخميرة لم يعد يتضاعف بعد مرور 5-6 ساعات (او 8-12 ساعة فى الشتاء) – اذا حدث ذلك فهذا يعنى ان خميرة الثلاجة بدأت تجوع ومحتاجة تاكل – فى هذه الحالة نتخلص من خميرة الثلاجة فيما عدا 30جم فقط نتعامل معها بنفس الخطوات التى اتبعناها فى أول مرة عندما حصلنا عليها – اما بالنسبة للكمية اللى خلطناها عشان نخبز بيها ولم يتضاعف حجمها فالحل كالاتى:

  • نتخلص من الخميرة فيما عدا 70جم فقط
  • نضيف لهم 70جم ماء و70جم دقيق ونتركهم حتى يتضاعف حجمهم

عندما توشك كمية الخميرة فى الثلاجة على النفاذ – او اذا لاحظنا اننا عند خلط جزء منها لا يتضاعف حجمها فى المدة الزمنية المعتادة – هنا سنحتاج الى تغذية الخميرة واكثارها فى نفس الوقت كما شرحت لكم بالاعلى

طريقة تغذية واكثار الخميرة البرية

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *