التخلص من فونت تاهوما

أخيرا تمكنت اليوم من مسح فونت Tahoma من ويندوز

فونت تاهوما هو أسوأ فونت على الاطلاف فى الكتابة بالعربية – مشكلته عند الكتابة بالعربى ان النقاط فوق الحروف تكون صغيرة جدا فيصبح من السهل الخلط ما بين حروف ب و ت ون وث وج وح وخ وط وظ ور وز – أى كل الحروف العربية التى تحتوى على نقطة او اكثر

والمشكلة تفاقمت مع وردبرس بدئا من نسخة 4.1 فقد قرروا لسبب ما غامض ان يفرضوا فونت تاهوما فرضا عند كتابة أى بوست جديد – متخطين اى تعديل قمت به من قبل

فكان الخيار الوحيد هو التخلص من فونت تاهوما تماما من الكمبيوتر نفسه – أى مسحه من ويندوز – والحمد لله تمكنت من ذلك باتباع الخطوات التالية:

الخطوة الأولى

  • اضغط على Start ثم Computer ثم Windows ثم Winsxs
  • حتلاقى مجلدات كتير جدا – بعد حوالى خمسها حتلاقى فولدراسمه
    • amd64_microsoft-windows-font-truetype-tahoma
  • اضغط عليه بزر الماوس اليمين واختار Properties ثم
    • Security
    • Advanced
    • Owner
    • Edit
  • ثم اختار اسمك (اسم الكمبيوتر) وعلم على:
    • Replace owner
  • ثم اضغط OK على كل الشبابيك المفتوحة
  • اضغط تانى باليمين على اسم المجلد واختار Properties ثم Security ثم Edit
  • اضغط على اسمك وتحته علم على Full Control ثم Ok على كل الشبابيك
  • افتح المجلد وقم بنفس الخطوات السابقة مع الملفين الموجودين داخل المجلد
  • واخيرا اضغط باليمين على كل منهم واختار Delete
  • بعد مسح الملفين اخرج وامسح كمان المجلد tahoma
  • ممكن اتباع نفس الخطوات لمسح اى فونت آخر من فونتات ويندوز – لكن شخصيا مشكلتى الوحيدة كانت مع هذا الفونت الغبى

الخطوة الثانية

  • فى لوجة المفاتيح اضغط على زر الويندوز مع حرف R – سيظهر شباك صغير اكتب فيه regedit – ثم اضغط على Ok ثم Yes
  • اضغط على التالى بالترتيب:
    • HKEY_LOCAL_MACHINE
    • SOFTWARE
    • Microsoft
    • Windows NT
    • CurrentVersion
    • Fonts
  • اختار فونت Tahoma و Tahoma Bold ثم اضغط بالماوس يمين واختار Delete

والان لو فتحت أى برنامج كتابة او صفحة نت كانت بتستخدم فونت تاهوما حتلاقيا بقت تظهر بفونت غيره وتبقى المشكلة اتحلت بفضل الله

ملحوظة: فى ويندوز 10 لا توجد طريقة بعد لمسح أى فونت من فونتات النظام – ولهذا السبب لا أنصحكم بتنصيب ويندوز 10 – وعموما فقد وجدت بعد تجربتها ان ويندوز 7 هى أفضل ويندوز حتى الان

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *