اختبار الصباع لمعرفة جهوزية العجينة للخبز

أغلب وصفات الخبيز تذكر الانتظار حتى تصل العجينة الى ضعف حجمها قبل وضعها فى الفرن – لكن هذه الطريقة غير سليمة ولا دقيقة – الأفضل استخدام اختبار الصباع

الطريقة هى ان نغرس صباعنا حوالى 2سم العجينة ونراقب الهبوط اللى عمله صباعنا فى العجينة ونحكم – كالاتى:

  1. اذا مكان صباعنا رجع لفوق تانى بسرعة يبقى العجينة لسة ما خمرتش كفاية
  2. اذا مكان صباعنا بدأ يرجع ببطء اى ما كان عليه يبقى العجينة جاهزة وحتعلى فى الفرن جدا
  3. اذا مكان صباعنا بدأ يرجع ببطء وسد مكان الهبوط جزئيا وتوقف يبقى العجينة جاهزة وحتعلى فى الفرن
  4. اذا مكان الهبوط فضل موجود ومارجعش يبقى العجينة اتخمرت زيادة عن اللازم وكدة مش حتعلى فى الفرن

أفضل حالة تدينا اكبر ارتفاع فى الفرن هى الحالة 2 – وبرضه الحالة 3 كويسة لو عايزين ارتفاع معقول ومش مبالغ فيه – الاختيار لينا

الاختبار دة محتاج تمرين وخبرة – ومع الوقت حنقدر نحكم احسن – والافضل تكرار الاختبار كذا مرة اثناء تخمير العجينة عشان نقدر نرف امتى بالظبط حتكون فى حالة مثالية للفرن

لو خمرت مننا اكتر من اللازم (الحالة 4) يبقى العجينة استهلكت الجلوتين وكدة حتبقى ضعيفة فى الفرن ومش حتعلى -فى الحالة دى ممكن نعجنها تانى شوية عشان نكون شوية جلوتين تانى

لو العجينة من النوع الطرى اللى بيلزق يبقى ممكن قبل اجراء الاختبار ان نضع صباعنا فى قليل من الدقيق قبل غرسه فى العجينة عشان ماتلزقش فيه

ولو عايزين تعمل اختبار بعد تشكيل العجينة – نتبع نفس الطريقة لكن مانغرزش صباعنا – نضغط بيه خفيف فقط على العجينة

 

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *