طريقة سريعة لعمل البيض بالبسطرمة

البيض بالبسطرمة اكلة لذيذة الكل بيحبوها – لكن تقطيع البسطرمة عملية مملة وبتاخد وقت – عشان كدة انا باستخدم طريقة سهلة وعملية توفر الوقت

IMG_1256

لما نشترى بسطرمة نحطها فى الفريزر – بعد يوم او اتنين لما تبقى مجمدة نخرجها ونضربها فى الكبة على شكل نبضات لغاية ما تبقى فتافيت فتافيت – نحفظها فى علبة فى الفريزر وتبقى جاهزة نرش منها فى الطاسة بمنتهى السهولة كل مرة نعمل بيض بالبسطرمة

بمناسبة الحديث عن البيض بالبسطرمة – عندى لكم طريقة تكتر الكمية قوى

نكسر البيض فى طبق غويط – ونحط معاه زيت بحجم مماثل لحجم البيض بحيث يبقى ضعف حجمه – وبعيدن نضربهم مع بعض بشوكة لغاية ما يتجانسوا ويبقوا حاجة واحدة – نحمر البسطرمة المفتفتة فى قليل من الزيت – حتحتاج وقت اقل بكتير لانها فتافيت – وبعدين نصب خليط البيض ونقلب – حنلاقى الكمية ماشاء الله بقت ضعف اللى متعودين عليه – توكل وتشبع ونقدر نعمل بيها سندوتشات اكتر لملئ البطون الخاوية ! .. وياسلام لو نقطع طماطم ونحطها  فى السندوتشات – طعم يجنن!

وعلى فكرة – ممكن نستخدم الفرانكفورتر او الهوت دوج بنفس الطريقة كبديل اوفر من البسطرمة – او كتغيير

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *