العصافير بتاكل نباتاتك؟ الحل بسيط

IMG_1345العصافير والحمام بيحبوا ياكلوا اوراق النباتات – وخصوصا البراعم الصغيرة اللى لسة صغيرة – دة كان دايما بيسبب لى مشكلة لانه كثيرا ما بيقضى على البراعم الضعيفة فى ايامها الاولى- الى ان توصلت الى حل عملى بسيط: عارفين السلك اللى بيركب على الشبابيك لمنع دخول الذباب والناموس؟ لو عندك قطعة قديمة باقية نقصها بمقص ونلفها على شكل اسطوانة – وبعدين نغرسها فى الطين حول النبات عشان يعمل سياج لحمايته من الطيور – او نجيب عبوة مياة غازية 2 لتر بلاستيك ونقصها ونستخدم نصفهت العلوى – بس الاول نعمل فيها ثقوب كثيرة عن طريق تسخين مفك على نار البوتاجاز – الثقوب مهمة عشان التهوية وعشان درجة الحرارة ما تعلاش داخل الزجاجة البلاستيك فتضر النبات

وبعد النبات مايكبر ممكن نبقى نشيل السلك او الزجاجة – المهم ان نحمى البراعم وهى صغيرة

زجاجات المياة الغازية البلاستيك ممكن نستفيد منها باكثر من طريقة – فمثلا ممكن نقص نصفها العلوى ونستخدم النصف السفلى كقصيص للزرع – نعمل خرمين صغيرين من تحت وبعدين نملاه طينة ونزرع فيه اى نبات – بيبقى شكله حلو وعشان شفاف حنقدر نتابع نمو الجذور لما تكبر وتبدأ تلتف حوالين القصيص

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *