بط العابد

لحم البط طعمه لذيذ وهو من انسب انواع اللحوم لمن يتبع نظام LCHF للصحة والرشاقة – اذا تمثل الدهون فيه نسبة 88% من سعراته الاجمالية

بط العابد هو النوع المنتشر فى اغلب الهايبرات والسوبرماركت الكبيرة – يباع مجمد – واحيانا طازج فريش – وهو من انتاج مزارع العابد (صاحبة هايبر العابد بشبرا وطريق مصر اسكندرية الزراعى)

البطة بتكون فى حدود 2.5 – 3 كيلو – والوراك تمثل حوالى ثلث البطة بينما الصدر يمثل الثلثين – والصدر هو الطعم الالذ

بطة العابد ستجد معها كل اجزاء البطة – الاجنحة والرقبة والكبدة والقوانص والقلب … وحتى الرأس!! (شئ مرعب ان تجد رأس البطة فى الكيس بعيونها – اعتقد انه من الافضل ان يتوقف العابد عن تضمين الرأس فى الكيس – ويمكن بيع الرؤس فى اكياس منفصلة لمن يريد اكلها – مش كل الناس يقدروا ياكلوا رأس عيونه تنظر اليك)

بطة العابد بتكون متنضفة كويس – لكن احيانا تجد مناطق حمراء او مزرقة فى اجزاء من البطة لكن هذا امر غير مقلق وبيكون غالبا نتيجة لتعرضها لخبطة اثناء الذبح وهذا لا يؤثر على الطعم

عند تقطيع البطة نقطع الاجزاء المدهننة بمقص مطبخ ونحتفظ بها – اذ يمكننا تسخينها مع قليل من الماء فتذوب وتعطينا سمن – بعد ان يتبخر الماء – نصبه فى برطمان ويمكننا استخدامه مثل السمن البلدى فى اى طبيخ بيجعل طعم الاكل رووعة

بعد تقطيع البطة ممكن تقسيمها فى أكياس لاستخدامها فى طبختين او اكثر حسب افراد اسرتك – نسلقها سلق بطئ على نار هادية جدا فى ماء مع بصل وطماطم وفلفل رومى وقرن فلفل وملح وفلفل وورق لورا وكبابة صينى – لمدة ساعتين بالنسبة للصدر و3 ساعات لو بنطهى وراك – شوربتها طعمة جدا ممكن نشربها او نطبخ فيها سبانخ – ملوخية أو أى خضار نحبه

بعد سلق البط نحمرها من ناحية الجلد فى معلقة زيت لغاية الجلد مايبقى بنى غامق ومقرمش – طعم الجلد المقرمش نحفة بجد مع لحم البطة – وعلى فكرة لحم البط مزيج من طعم اللحمة وطعم الفراخ وبيكون له بنى شبة اللحمة

انا بآكل بط تقريبا معظم ايام الاسبوع – ضمن ريجيم ممكن تسميته “ريجيم البط” – خسيت عليه 9 كيلو فى اول اسبوعين فقط – وهو نظام غذائى مفيد جدا لمرضى السكر ولكل من يبحث عن الصحة والرشاقة

شفت مفاجأة النهاردة ؟ اضغط هنا عشان تشوفها (مفاجأة جديدة كل يوم)

6 تعليقات

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *