اسرع طريقة لتدميس الفول فى نصف ساعة

عندى لكم طريقة هايلة وسهلة وسريعة جدا لتدميس الفول – سنستخدم فول مقشر اسمه فول مدشوش split fava beans – سعره رخيص جدا فى مصر – الكيلو يتراوح بين 5ج و7ج – وهو نفس فول التدميس المعروف لكن بدون قشر – ودة بيخليه خفيف جدا على المعدة وسهل الهضم نتيجة للتخلص من القشرة الغليظة – وكمان بيستوى فى نصف ساعة فقط بدلا من 10 ساعات!

المقادير

  • نصف كيلو فول مدشوش
  • 2 كوب ماء
  • معلقة صغيرة خل او عصير ليمون
  • 5 فصوص ثوم كبيرة
  • حزمة كزبرة حضراء
  • معلقة صغيرة كمون
  • معلقة صغيرة ملح
  • قرن فلفل حامى او نصف معلقة صغيرة شطة (اختيارى لعشاق الشطة)
  • معلقة كبيرة بذر كتان مطحون (اختيارى)
  • زيت زيتون او أى زيت نباتى

الطريقة

  • نشطف الفول المدشوش ثم ننقعه فى حلة مع ماء كثير ليلة او 6 ساعات
  • نتخلص من ماء النقع ونشطف الفول جيدا
  • نفرم الثوم او نقطعه فتافيت ونضعه فى الحلة
  • نضع كوبين ماء نظيف فى الحلة ونضعها على النار مع الملح والتوابل وقرن الفلفل ونقلب جيدا
  • نضع الفول المنقوع ونقلبه مع باقى المكونات – وعندما تبدأ الحلة فى الغليان نغطيها ونتركها على أقل نار ممكنة
  • نقطع الكزبرة الخضراء مفرى بالسكين ونتركها جانبا
  • بعد ربع ساعة نقلب محتويات الحلة من فوق لتحت ثم نضع الكزبرة فوق الفول فى الحلة بدون تقليبها فيه ونطيها مرة اخرى
  • بعد ربع ساعة ثانية نطفى النار ونقلب الحلة جيدا
  • نصب الفول فى اطباق ونضع عليه زيت الزيتون (او اى زي نباتى اذا لم يتوفر زيت زيتون)

ملحوظات

sfb

  • عند شراء فول مدشوش نبحث عن فول فاتح اللون – الفول المدشوش يميل الى الاصفرار لكن كلما كان فاتح فهذا معناه انه طازج – اما القديم فيتغير لونه الى الاصفر الغامق
  • الفول الفاتح المائل للبياض يستوى اسرع من الغامق – نصف ساعة فقط تجعله يذوب بمجرد تقليبه بالمعلقة – اما لو لونه غامق فسيحتاج وقت اطول وفى هذه الحالة قد نحتاج لاضافة بعض الماء الاضافى
  • اضافة بذر كتان مطحون يزيد فوائده الغذائية جدا – فهو مفيد لضبط الكوليسترول ويضبط كل ما يتعلق بالدم فى اجسامنا – والباحثين يعتبرون بذر الكتان صيدلية متكاملة فى حد ذاته

2 تعليقان

  1. جزاك الله خيراً على هذه المعلومة وهذا التعب فى إيصالها لنا
    بص أنا كنت إشتريت دماسة ألومنيوم لتدميس الفول وكل مرة بحطه على نار هادئة جداً وبضيف له عدس أصفر علشان يديله لون محمر وحلو وقيمة غذ1ائية أعلى وكبشة أرز علشان تتقل ميته وكمان قيمة غذائية
    بس كان كل مرة بيشيط منى ومش عارفة السبب إيه وكان بياخد وقت كتير عقبال لما يستوى
    إن شاء الله أجرب الفول المدشوش ده على طريقتك والله المستعان

    • جربى وان شاء الله مش حتندمى – وعلى فكرة الطريقة دى مش محتاجة دماسة – أى حلة عادية تنفع
      ونصيحتى لكى بعدم شراء او استخدام اوانى الومنيوم فهى ضارة بالصحة – افضل اوعية صحية الستنلس – وتوجد ماركة انا كتبت عنها ممكن تعملى فيها كل شئ حتى الارز

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *