افضل مؤقت متعدد لموبايلك Multi Timer

itاغلب برامج التايمر الانرويد لا يعتمد عليها – فهى قد تتوقف اذا قمت بتشغيل برامج اخرى على جهازك

التايمر اللى اكتشفته مؤخرا ومفيش حاجة بتوقفه مهما حصل اسمه Multi Timer Free وهو دة التايمر اللى استقريت عليه وباستخدمه دايما – هو عيبه انه مش بيسجل الخطوات – يعنى لازم كل مرة تعمل تنشئ التايمرات اللى محتاجها من جديد – لكن دى مشكلة بسيطة وبتاخد ثوانى – ويوجد حل ليها حاشرحه لكم فى الاخر – كمان لاحظ انه ليس interval timer – عشان كدة لو عايز تايمر مراحل حتحتاج تضيف اى عدد من التايمرات بس كل واحد تجمع الوقت اللى قبله – يعنى مثلا لو عايز تايمر يرن بعد ساعتين وبعدين بعدها بساعة وبعدين بعدها بنص ساعة يبقى حتنشئ 3 تايمرات – الاول مدته ساعتين والتانى مدته 3 ساعات والثالث مدته 3 ساعات ونص – وتروح مشغل الثلاثة مع بعض Start All – سهلة مش مشكلة يعنى – المهم انه يعتمد عليه ومهما حصل لو شغلت ميت برنامج لا يتأثر – حتى لو قفلت جهازك وفتحته حتلاقيه شغال عادى ومكمل

بالنسبة بقى لحفظ أى مجموعة تايمرات فهذا ممكن لو عندك برنامج Drive على جهازك – والطريقة كالتالى

  • الاول انشى مجموعة التايمرات اللى انت محتاجها
  • اضغط على Menu ثم More ثم Import/Export
  • اضغط على Export Timers
  • اختار Drive
  • اضغط على شكل الفولدر Folder الموجود اعلى اليمين لانشاء مجلد جديد وسميه مثلا Timers
  • احفظ الفايل بتاريخ اليوم او سميه اسم اخر كما تحب واضغط على Save
  • نفس الخطوات نعملها لو عايزين نسترجع تايمر ونستخدمه من اللى احنا حفظناهم قبل كدة – بس نختار Import Timers

 

One Comment

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *